Áhugabólkurin hevur limafund í húsum felagsins, Lucas Debesargøtu 14,
19. september kl 19:00
Sissal Petersen fer á fundinum at greiða frá hennara arbeiði í Grønlandi.
Præsentatión av Sissal Petersen
”Mítt navn er Sissal Petersen, eg eri 41 ár og havið verið útlærd sjúkrasystir síðan í 1999, eg las í Danmark.
Aftaná at eg var liðug at lesa fór eg til Grønlands at arbeiða í 3 ár, síðani arbeiddi eg uml. 8 ár heima í Føroyum, áðrenn eg valdi at fara aftur til Grønlands í 2010.
Við teimum royndum eg tá hevði fingið mær, valdi eg at royna meg runt í Grønlandi, bæði í Nuuk, norðuri í Uummanaq á lítlum sjúkrahúsi og síðan 4 ár í Eysturgrønlandi, helvtina av tíðini arbeiddi eg sum statiónsjúkrasystur í eini lítlari bygd og hina helvtina brúkti eg at ferðast til Nuuk og taka eina útbúgving og annars vera á sjúkrahúsinum í Tasiilaq (Ammagsallik)
Útbúgvingin ið eg fór í gongd við var ein diplomútbúgving ”Arktisk specialsygepleje”. Hetta var ein útbúgving ið hevði við sær at eg sum sjúkrasystur bleiv meira kvalificera at arbeiða sjálvstøðug, serliga á støðum har ið ongin lækni er, tvs. at eg dugdi at taka mær øllum vanligum uppgávum í eini konsultatión, eins og eg kundi seta í gongd viðgerð og fylgja upp uppá hesa.
Eri p.t. í gongd við at taka eina master í fólkaheilsu á Fróðskaparsetrinum.”
Nevndin í áhugabólkinum 60+ gleðir seg at síggja fleiri limir, eins og nýggir limir eru vælkomnir.
Anna Jóannesardóttir, forkvinna
