Í samband við lýsta arbeiðssteðgin hjá narkosusjúkrarøktarfrøðingunum á LS, KS og SS at byrja mánamorgunin 30/10-17 kl. 08.00, vilja vit hervið kunna okkara limir um fylgjandi:
Fíggjarmálaráðið hevur boðsent semingsstovninum. Fundur hevur verið millum nevndina og semingsmenninar í dag, har semingsstovnurin hevur valt at útseta lýsta arbeiðssteðgin við heimild í Semingslógini grein 10.
Til tykkara kunning stendur soleiðis skrivað í grein 10 í Semingslógini:
“Semingsstovnurin kann útseta arbeiðssteðg eina ferð í mesta lagið í eina viku.”
Vit hoyra aftur frá semingsstovninum í seinasta lagi í morgin.
