INA, felagið hjá íslendskum sjúkrarøktarfrøðingum hevur boðað frá, at felagið stuðlar okkum í verkfallinum, í opnum skrivi siga tey:
Góðu starvsfelagar,
INA stendur við tykkara lið. Tit hava okkara fulla samhuga í hesum trupla stríði, ið liggur fyri framman. Tykkara stríð er sama stríð sum okkara.
Sjúkrarøktarfrøðingar fáa ikki løn sambært arbeiðsbyrðu og ábyrgd, hetta er ein alheims trupuleiki. Kappingarfør løn og nøktandi arbeiðsumstøður í heilsuverkinum er lívsneyðugt fyri sjúkrarøktarfrøðingar og góðskuna í heilsurøktini.
INA heitir á føroyska landsstýrið um beinanvegin at fara at samráðast við Felagið Føroyskir Sjúkrarøktarfrøðingar.
