Semingsuppskotið havnað

Eftir drúgvar og truplar sáttmálasamráðingar, varð semingsstovnurin boðsendur 24. august. 12. september innkallaði  semingsstovnurin Fíggjarmálaráðið og Felagið Føroyskir Sjúkrarøktarfrøðingar til seming  tó uttan at tað bar á mál. Felagið Føroyskir sjúkrarøktarfrøðingar hevur í dag havnað semingsuppskotinum. Nevndin vil nú brúka teir næstu dagarnar at umhugsa  støðuna.

Semingsstovnurin er boðsendur

Felagið Føroyskir Sjúkrarøktarfrøðingar og Fíggjarmálaráðið hittust í dag til sáttmálasamráðingar. Niðurstøðan av fundinum varð, at partarnir samdust um at senda boð eftir semingsstovninum.

Sjúkrarøktarfrøðingar til hæmodialysuna

Í sambandi við at hæmodialysu funktión verður íverksett í Suðuroy søkir Medisinski depilin á Landssjúkrahúsinum eftir fýra sjúkrarøktarfrøðingum til Hæmodialysuna. Størvini eru fulla tíð í dag- og kvøldvaktum, møguleiki er eisini fyri lægri brøki. Arbeiðsøkið er á Landssjúkrahúsinum í Havn og á Suðuroyar Sjúkrahúsi. Upplæringin verður eitt samansett forløb á Landsjúkrahúsinum og í Danmark. Roknast…

Pennurin er sterkasta svørið – og nú er tíðin, at hvessa pennin Felagið Føroyskir Sjúkrarøktarfrøðingar og Sjúkrarøktaretiska Ráðið  savna saman tilfar, sum er skrivað av sjúkrarøktarfrøðingum um føroyska sjúkrarøkt. Tað er Sprotin sum ritstjórnar og gevur út í bók.   Endamálið við bókini, er at lýsa sjúkrarøktina upp á ymiskar mátar, soleiðis at føroyski borgarin…

Postarasýning á Landssjúkrahúsinum

Partur av endaligu próvtøkuni til sjúkrarøktarfrøðing er at miðla ta gransking sum bacheloruppgávunar byggja á. Hetta hevur seinastu árini verið gjørt við, at hava eina framsýning við ”postarum” , har bacheloruppgávunar verða lýstar. Í dag kl. 14.00 byrjaði framsýningin  í forhøllini á Landssjúkrahúsinum. Ein áhugaverd framsýning, ið setur sjóneykuna á nýggjastu gransking innan sjúkrarøkt í…

Er Landsbankin vorðin ørindasveinur arbeiðsgevarans?

So varð aftur eitt tíðindaskriv sent frá Landsbankanum. Hesaferð var skrivið ikki sent vegna formannin í Búskaparráðnum, men frá Landsbankanum sjálvum. Eftir at Føroya Arbeiðsgevarafelag hevur fingið fría mikrofon frá fjølmiðlunum seinastu dagarnar, so ber seinasta skrivið brá av, at Landsbankin hevur gjørt sær dælt av hesum, og tykist mest av øllum at verða ørindasveinur…

Viðmerking til útsøgnina hjá Ruth Vang

Ruth Vang, landsstýriskvinna í fíggjarmálum, vísir í svari til fyrispurning í løgtinginum á, at umsøkjaratalið til at lesa sjúkrarøktarfrøði er høgt og út frá hesum staðfestir hon, at støðan er góð á økinum. Nevndin í Felagnum Føroyskir Sjúkrarøktarfrøðingar gleðist um, at umsøkjaratalið til at lesa sjúkrarøktarfrøði liggur í einari góðari legu. Støðan í okkara grannalondum…

Fráfaringarløta fyri Ænu Reinert

Í sambandi við, at Æna Reinert, eftir drúgva tænastu fer frá sum fyrisitingarleiðari hjá Felagnum Føroyskir Sjúkrarøktarfrøðingar, skipar felagið fyri almennari móttøku á Panorama á Hotel Hafnia á altjóða sjúkrarøktarfrøðisdegnum, friggiadagin 12. mai frá kl 15-30 til 17.30. Æna byrjaði sum nevndarlimur í Felagnum Føroyskir Sjúkrarøktarfrøðingar í 1991, og hevur tænt felagnum líka síðan tá, fyrst…

Sjúkrarøktaretiska Ráðið 30 ár

Innbjóðing til 30 ára hald hjá Sjúkrarøktaretiska Ráðnum Í samband við, at tað í ár eru 30 ár síðan, at Sjúkrarøktaretiska Ráðið var sett á stovn, verður skipað fyri móttøku á sjálvum føðingardegnum hjá Florence Nightingale og altjóða degnum fyri sjúkrarøktarfrøðingar Fríggjadagin hin 12 mai kl 13.30 Parnassið Hotel Hafnia   Skrá 13.30  Ingun Gaardbo,…

Tíðindaskriv frá FÁG4

Mennandi undirvísing í geriatri Sjúkrarøktarfrøðingar hjá kommununum vóru 29. og 30. mars 2023 á skeiði í geriatri. Tað var Fág4, sum er áhugafelagið hjá sjúkrarøktarfrøðingum við áhuga fyri geriatri og gerontologi, sum skipaði fyri. Geriatri er læran um sjúkur hjá eldri, og gerontologi er læran um at eldast. Áhugin var stórur, og skeiðið var fullteknað…

Fríi samráðingarrætturin

Sáttmálin millum FMR og FFS gekk út 31. desember 2022. Felagið var klárt at taka samráðingarnar upp, so nýggjur sáttmáli var klárur 1. Januar 2023. Hetta bleiv ikki av nøkrum, tí nýval varð útskrivað, og nýggja landsstýrið skuldi fyrst skipa seg. Eftir Páskir byrja samráðingarnar millum Fíggjarmálaráðið og Felagið Føroyskar Sjúkrarøktarfrøðingar. FFS fegnast um at…

Gestarøða til aðalfund hjá Felagnum Føroyskir Sjúkrarøktarfrøðingar

Fyrst vil eg siga takk fyri, at tit hava boðið mær her í dag! Tað er ein stórur heiður fyri meg at fáa høvi at bera eina røðu fram fyri tykkum í dag – til aðalfundin hjá Felagnum Føroyskir Sjúkrarøktarfrøðingar. Eg havi sjálv luttikið til aðalfundir, men tá hevur tað verið sum limur í felagnum.…

ÁRSINS ÁLITISFÓLK 2023 eru Winnie Delmarsdóttir Poulsen og Guðrið Müller Egholm

Tær hava ikki so drúgvar royndir sum álitisumboð, so tær hava havt nógv at seta seg inn í, og tær menna seg áhaldandi. Tær hugsa nógv um, at tær eru bindiliðið millum felagið og limirnar og bera kunningina frá felagnum aftur til starvsfólkini. Tær hava ikki øll svar klár beinanvegin, men kanna málið og geva…

ÁRSINS SJÚKRARØKTARFRØÐINGUR 2023 er Herdis Ludvig

Herdis hevur víst eitt ótrúligt hegni til at leiða, og við sínum jaliga lyndi hevur hon megnað at styrkt starvsfólkahópin og betrað um huglagið. Hon hevur serliga gott heildarinnlit, er upp á forkant, tekur ábyrgd og dugir at siga tað, sum sigast skal. Herdis styðjar okkum væl og tryggjar sær altíð, at byrðan á deildini…

Úrslitið av nevndarvalinum í Felagnum Føroyskir Sjúkrarøktarfrøðingar

Nevndarvalið í Felagnum Føroyskir Sjúkrarøktarfrøðingar er liðugt. Tveir nevndarlimir stóðu fyri vali.   Nýggja nevndin sær nú soleiðis út:   Óluva í Gong, forkvinna stóð ikki fyri vali Súsanna Funding, nevndarlimur stóð ikki fyri vali Anja Perdomo, nevndarlimur stóð ikki fyri vali Ása Samuelsen, nevndarlimur afturvald Teresa Damgaard-Jarnfoss, nevndarlimur afturvald Rakul Pállsdóttir Vang, fyrsti tiltaklimur…

Vælkomin á aðalfund

Sum lýst í Vøku er freistin til at melda til aðalfund seinast mánadag 13. mars 2023 kl 12.00. Meldast skal til á skrivstovu felagsins, tlf 311309, ella við telduposti á info@sjukrarokt.fo.

Nevndarval í Felagnum Føroyskir Sjúkrarøktarfrøðingar

Freistin fyri at atkvøða til nevndarvalið er fríggjadagin 10. mars kl 12:00 Limir, ið ynskja at atkvøða, og ikki hava fingið leinkju sendandi, mugu senda sína teldupostadressu til felagið info@sjukrarokt.fo Fyri at felagið kann avgreiða teldupostadressurnar, so limir hava møguleika at atkvøða áðrenn freistin er úti, má felagið hava teldupostadressurnar í seinasta lagi hósdagin 9.…

Nevndarvalið í Felagnum Føroyskir Sjúkrarøktarfrøðingar

Elektroniska atkvøðugreiðslan lat upp kl 12:00 í dag. Um nakar limur hevur trupuleika við atkvøðugreiðsluni, vinarliga vendi tykkum so til skrivstovu felagsins

Ársins sjúkrarøktarfrøðingur 2023

  Hevur tú uppskot til ársins sjúkrarøktarfrøðing 2023?   Felagið hevur  avgjørt at limir felagsins skulu hava møguleika at velja ársins sjúkrarøktarfrøðing 2023. Orsøkin til hesa avgerð er, at sjúkrarøktarfrøðingar í dagliga arbeiðinum eru fyri stórum avbjóðingum – bæði fakliga og kensluliga. Felagið virðismetir arbeiðið tit gera, og vil tí heiðra ársins sjúkrarøktarfrøðing.   Fortreytirnar…

Ársins álitisfólk 2023

Hevur tú hug at velja títt álitisfólk til ársins álitisfólk 2023?   Á aðalfundi felagsins í 2016 var tosað um, at velja ársins álitisumboð. Felagið hevurt tikið hetta til sín, tí vit meta, at arbeiðið, sum álitisfólk gera, er av stórum týdningi – bæði fyri felagið, limir og leiðslur. Eitt arbeiði, ið kanska ikki altíð…

Fýra limir í Sjúkrarøktaretiska Ráðnum standa fyri vali

Viðtøkubroytingarnar frá 25 januar 2023 hava við sær, at SER verður fólkað við 7 limum. Ongin varalimur verður valdur. Setan er óbroytt, t.v.s. fýra ár. Tó so, mugu vit í broytingarfasuni lata ta einu setuna verða í tvey ár. Hetta merkir, at til FFS aðalfundin komandi standa Tríggir limir fyri vali í setu á fýra…

Hvør hevur ábyrgdina, tá almenna ferðasambandið er slitið?

Hvør hevur ábyrgdina, tá almenna ferðasambandið er slitið? Beint nú skínur sólin á hvítan kava. Soleiðis var ikki í gjár, har ódn hevði leikað í síðan fyrrakvøldið. Alt samband bæði sjóvegis, loftvegis og á landi var slitið. Sjálvt um tað er eyðsæð at øll eiga at halda seg innandura eru vit ringd upp av ørkymlaðum…

Kampval til nevndina í Felagnum Føroyskir Sjúkrarøktarfrøðingar

Tá freistin var úti 1. februar kl 16:00 høvdu fýra valevni bjóða seg fram til báðar nevndarsessirnar í Felagnum Føroyskir Sjúkrarøktarfrøðingar. Tær eru: Ása Samuelsen Rakul Pálsdóttir Vang Sylvia Thomsen Teresa Damgaard-Jarnfoss   Valið verður talgilt og úrslitið fyriliggur áðrenn aðalfundin 18. mars.

Nevndarval í Felagnum Føroyskir Sjúkrarøktarfrøðingar

Brennir tú fyri fakfelagsarbeiði, so hevur tú møguleikan nú at stilla upp til nevndarvalið í Felagnum Føroyskir Sjúkrarøktarfrøðingar Tveir nevndarlimir standa fyri vali í ár. Hevur hetta tín áhuga, send felagnum so nakrar reglur um hví tú ynskir at stilla upp Uppstillingin skal sendast til anar@sjukrarokt.fo og skal verða felagnum í hendi seinast 1. februar…

Gleðilig Jól og Gott Nýggjár

Felagið Føroyskir Sjúkrarøktarfrøðingar ynskir øllum limum við familju, sáttmálapørtum og samstarvsfeløgnum eini Gleðilig Jól og Gott Nýggjár.

Takk fyri søgur og stuðul

Vit í Sjúkrarøktaretiska Ráðnum eru so ógvuliga takksamar fyri, at stuttsøgukappingin fekk so góða undirtøku og at so góð úrslit spurdust burturúr. Sum sjúkrarøktarfrøðingar eru vit vanar at skriva, ikki minst í samband við dokumentatión. Tað eru nokk fleiri við okkum, sum tó uppliva, at dokumentatiónin skal verða so stutt og ofta verður so sundurbýtt,…

Vinnararnir av stuttsøgukappingini hjá Sjúkrarøktaretiska Ráðnum eru funnir

Súsanna Funding vann 1. virðisløn í stuttsøgukappingini við søguni “Stjørnan á himmalhválvinum” Dómsnevndin sigur soleiðis um søguna: “Vit í dómsnevndini eru á einum máli um, at stuttsøgan á sannførandi og hugkveikjandi hátt lýsir sjúkrarøktarfrøðingin bæði sum fakpersón og menniskja í eini sera truplari støðu. Hon signalerar ein fakligan stoltleika, eina tilvitan um at vilja gera…

Varadeildarleiðari til Miðstovu á Lágargarði, barnsburðarfarloyvisstarv

Er eldraøkið tað tú brennur fyri, og hevur tú drívmegi og hegni til áhaldandi at menna tilboðið til búfólk á eldrabústovni, so er tað møguliga tær vit sóknast eftir. Barnsburðarfarloyvisstarv sum varadeildarleiðari í tíðarskeiðnum 1.januar 2023 – 31.desembur 2023 er leyst at søkja. Varadeildarleiðarin vísir til deildarleiðaran. Heilsu- og umsorganartænastan er skipað í trimum eindum, Heilsuhúsið og…

Sjúkrarøktarfrøðingur til Hvíldarheimið Naina

Hvíldarheimið Naina søkir eftir royndum sjúkrarøktarfrøðingi til setan frá 1. januar 2023 ella eftir nærri avtalu. Talan er um eitt fast starv í dag-/kvøld-/náttarvakt í starvsbrøki 0,76. Hvíldarheimið Naina er eitt endurmenningarheim fyri fólk, sum av sjúku ella aðrari orsøk eru viknaði og hava tørv á røkt, viðgerð og umsorgan fyri at koma fyri seg…

Spennandi starv sum dygdarmennari á Vesturvón

Vesturvón hevur tørv á einum fakligum dygdarmennara at byrja        1. januar 2023 ella eftir nærri avtalu. Dygdarmennarin skal menna dygdina í tænastunum, sum samstarvið bjóðar. Dygdarmennarin skal, í tøttum samstarvi við stjóran, arbeiða fyri at menna og samskipa eitt dygdargott og lærandi umhvørvi á Vesturvón. Dygdarmennarin hevur eisini uppgávuna at menna tænasturnar og tryggja, at…

Oddagreinin í Vøku nr 2/2022

Tá ið tað stundar móti vali er gávuposin fullur av lyftum til føroyingin. Við jøvnum millumbilum kemur fram, at fólk kunnu fáa pening fyri at vera heima og ansa sínum børnum. Eg fari ikki at blanda meg uppí, hvussu føroyska familian skipar sín gerandisdag. Tað stendur einum og hvørjum frítt at skipa síni viðurskifti heima…

Vøka 2, 2022 er komin

Nýggj Vøka er komin, og kann lesast her á heimasíðuni. Hesaferð kemur hon bert út talgilt.

Álitisumboðsval

  Álitisumboðsval stendur fyri durum, og hevur tú hug at gera tína ávirkan og økja um tína vitan innan fakfelagsarbeiði, er møguleiki til tað nú.    Álitisumboð fáa høvi at læra um álitisumboðsvirksemi, sáttmálan, lógir, sáttmálasamráðingar v.m.. Við øktari vitan økist eisini áhugin fyri arbeiðinum. Álitisumboðið er knýtt at ávísum arbeiðsplássi og hevur beinleiðis samband…

Stil op til valg i din pensionskasse

I efteråret afholder vi valg af delegerede i din pensionskasse: Pensionskassen for Sygeplejersker, Lægesekretærer og Radiografer. Derfor har du nu chancen for at stille op som kandidat og få mere at skulle have sagt. Som delegeret er du nemlig med til at bestemme, hvad pensionsordningen skal indeholde. Du har også indflydelse på, hvordan pensionskassen investerer…

24 sjúkrarøktarfrøðingar á skriviskeiðið

Í gjár møttu 24 hugagóðir sjúkrarøktarfrøðingar til skriviskeið í Sjóvinnuhúsinum, fyriskipað av Sjúkrarøktaretiska Ráðnum. Tað var Marjun Syderbø Kjelnes, rithøvundur, sum hegnilsiga leiddi sjúkrarøktarfrøðingarnar í gjøgnum eina 3 tímars langa skriviprosess, við nógvum góðum hugskotum og ráðum annars. Marjun hevur sjálv royndir við at skriva fiktión við støði í sínum yrki sum sjúkrarøktarfrøðingur. Fyrst stuttsøga…

Stakskeið: Venjing sum viðgerð, fyribyrging og heilsufremjan

  Í tíðarskeiðinum 12/9 – 7/11 2022 verður stakskeiðið Venjing sum viðgerð, fyribyrging og heilsufremjan á 7,5 ECTS bjóða út á Deildini fyri Heilsu- og Sjúkrarøktarvísindi. Skeiðið er sera aktuelt og snýr seg um, hvussu kropslig venjing kann brúkast til at fyribyrgja og viðgera fólkasjúkur. Magni Mohr, professari á Deildini fyri Heilsu- og Sjúkrarøktarvísindi, hevur ábyrgdina av…

3. poddurin hjá Sjúkrarøktaretiska Ráðnum er nú klárur

Hesuferð tosar Armgarð Arge við Monu-Mariu úr Fugloy, deildarleiðara, Heimið við Vágna, í Klaksvík

Summarfrí

  Skrivstova felagsins er stongd vegna summarfrí frá mánadegnum 25. juli og letur upp aftur mánamorgunin 15. august kl. 09:00 Í summarfrítíðini svarar telefonin ikki, men eru átrokandi boð, ber til at skriva til info@sjukrarokt.fo og vit venda aftur sum skjótast.  

22 nýútbúnir sjúkrarøktarfrøðingar

Partur av endaligu próvtøkuni til sjúkrarøktarfrøðing er at miðla ta gransking sum bacheloruppgávunar byggja á. Hetta hevur seinastu árini verið gjørt við, at hava eina framsýning við ”postarum” , har bacheloruppgávunar verða lýstar. Í gjár var hendan framsýning  í forhøllini á Landssjúkrahúsinum. Ein áhugaverd framsýning, ið setur sjóneykuna á gransking innan sjúkrarøkt í Føroyum. Gransking,…

Skriviskeið fyri sjúkrarøktarfrøðingar og -lesandi

Í samband við stuttsøgukappingina hjá Sjúkrarøktaretiska Ráðnum, fer Marjun Syderbø Kjelnæs at halda skeið í skriving í Sjóvinnuhúsinum hin 1 september kl 15.30 til 18.30. Hendan dagin fært tú íblástur til, hvussu tú kemur í gongd við eina frásøgn, hvussu tú røkkur inn í kjarnan av tí, sum tú fegin vil siga frá, og hvussu…

Stuttsøgukapping fyri sjúkrarøktarfrøðingar og lesandi

Um tú er sjúkrarøktarfrøðingur ella lesur sjúkrarøktarfrøði og hevur ein lítlan rithøvund í tær, skriva so eina stuttsøgu. Tað er lítið til av skrivligum tilfari um arbeiðisdagin hjá sjúkrarøktarfrøðingum í Føroyum og tí skipar Sjúkrarøktaretiska Ráðið fyri eini stuttsøgukapping. Endamálið er at fáa lýst kompleksa gerandisdagin hjá sjúkrarøktarfrøðingunum, sum oftast er merktur av, at ymisk…

Lesarabræv: Føroyskir sjúkrarøktarfrøðingar haldast fyri gjøldur

Størsta føroyska herðaklappið til sjúkrarøktarfrøðingar nakrantíð, fer til útlendskar sjúkrarøktarfrøðingar. Undirløn ger, at tað mangla sjúkrarøktarfrøðingar í føroyska heilsuverkinum. Nú egnir føroyska Sjúkrahúsverkið uttalands við fríum bústaði og trídupultari løn, bara tú ikki hevur bústað í Føroyum. Hetta er at halda sjúkrarøktarfrøðingar her á landi fyri tað turra spott. Seinastu árini hava sáttmálasamráðingarnar ímillum Felagið…

Føroyskir sjúkrarøktarfrøðingar óynsktir

Summarið stendur fyri durðum og tað merkir, at avloysarar skulu fáast til vega fyri sjúkrarøktarfrøðingarnar, so hesir fáa hildið sína summarfrítíð. Í fleiri ár hevur verið avbjóðandi at fáa nokk av summarfrítíðaravloysarum og í so máta er árið í ár einki undantak. Um dagarnar frættist, at danska vikarstovan Powercare lýsir eftir sjúkrarøktarfrøðingum til avloysarastørv á…

22. juni verður postaraframsýning á LS

Nýútbúnir sjúkrarøktarfrøðingar sýna fram postarar í Forhøllini á Landssjúkrahúsinum 22. juni 2022, frá kl. 14.00 – 16.00 Evnini á postaranum eru frá bachelorritgerðunum hjá nýútbúnu sjúkrarøktarfrøðingunum.   Heiti á ritgerð: At vera ung við kroniskari tarmbrunasjúku Rithøvundar: Anna Sofía Hjalt Mohr, Maria D. í Garði Skála, Mina N. Sirdal Henriksen   Heiti á ritgerð: Faktorar…

Declaration of Support to Finland from the Nordic Nurses’ Federation

Samstarvið hjá sjúkrarøktarfrøðingum í Norðurlondum stuðlar finsku fakfeløgunum í teirra verkfalli. The Nordic Nurses’ Federation supports the Finnish health care professionals and their organizations, Tehy and SuPer, in the fight for a better salary and decent working conditions. The Nordic Nurses’ Federation (NNF) expresses its full support and solidarity to the Union of Health and…

Jóhanna Hansen ársins álitisfólk 2022

Um ársins álitisfólk verður sagt: Jóhanna hevur verið virkin sum álitisfólk gjøgnum nógv ár og hevur við sínum royndum mangan deilt út av sínari vitan til gagn fyri bæði felagið og hini álitisfólkini. Jóhanna kennir sáttmálan út og inn, og tað ber altíð til at heita á hana um ivamál stinga seg upp. Mangan hevur…

Mildrid Rasmusdóttir ársins sjúkrarøktarfrøðingur 2022

Um ársins sjúkrarøktarfrøðing verður sagt, at Mildrid hevur: Ment sjúkrarøktarfrøðina á skaðaambulatoriunum til gagn fyri sjúklingar og starvsfólk Víst góð samstarvsevnir við at skipa tvørfakligt samstarv á skaðaambulatoriunum Er faklig inspiratión fyri sínar starvsfelagar við at hon: altíð heldur sína fakligu vitan dagførda altíð er klár at miðla hesa vitan til starvsfelagar og lesandi altíð…

Oddagrein: Dinosaurar

Í skrivandi stund komu aftur boð um, at semingsstovnurin varð boðsendur. Hesu ferð er talan um Heilsuhjálparafelagið og Kommunala Arbeiðsgevarafelagið. Stutt frammanundan var talan um Ljósmøðrafelagið og Fíggjarmálaráðið. Eg siti og undrist yvir gongdina, samstundis sum eg fái tankan, at tað er semingsstovnurin, sum hevur fingið ábyrgdina av at gera sáttmálar og leggja lønarlagið á…

FPS aðalfundur verður 12. apríl

FPS aðalfundur – Eitt sindur betri… Ert tú ikki limur, so er at melda seg sum lim nú!   Aðalfundurin hjá FPS, Føroyskir Psykiatriskir Sjúkrarøktarfrøðingar, verður á Hotel Føroyum týsdagin 12. Apríl kl. 17.00 Skrá sambært viðtøkum felagsins. Nevndarval – trý umboð í nevndini standa fyri vali.   Grafisk Fasilitering – Brellbiti Tekna og skapa,…

Tilmelding til aðalfundin 2022

Aðalfundurin 2022 verður á Hotel Føroyum leygardagin 12. mars 2022  kl. 14.00 Dagsskrá 1.        Val av fundarstjóra 2.        Val av atkvøðuteljarum 3.        Góðkenning av dagsskrá 4.        Góðkenning av starvsskipan 5.        Frágreiðing formansins 6.        Framløga av rammufíggjarætlan og…

Ársins álitisfólk 2022 skal veljast

Hevur tú hug at velja títt álitisfólk til ársins álitisfólk 2022? Á aðalfundi felagsins í 2016 var tosað um, at velja ársins álitisumboð. Felagið hevurt tikið hetta til sín, tí vit meta, at arbeiðið, sum álitisfólk gera, er av stórum týdningi – bæði fyri felagið, limir og leiðslur. Eitt arbeiði, ið kanska ikki altíð verður…

Hevur tú uppskot til ársins sjúkrarøktarfrøðing 2022?

Felagið hevur avgjørt at limir felagsins skulu hava møguleika at velja ársins sjúkrarøktarfrøðing 2022. Orsøkin til hesa avgerð er, at sjúkrarøktarfrøðingar í dagliga arbeiðinum eru fyri stórum avbjóðingum – bæði fakliga og kensluliga. Felagið virðismetir arbeiðið tit gera, og vil tí heiðra ársins sjúkrarøktarfrøðing. Fortreytirnar fyri at kunna veljast til ársins sjúkrarøktarfrøðing eru: Virkin limur…

Almenn framløga um skipan av dygdargóðum heilsutænastum í primera geiranum

Felagið Føroyskir Sjúkrarøktarfrøðingar skipar fyri almennari framløgu um skipan av dygdargóðum heilsutænastum í primera geiranum við høvuðsdenti á eldraøkið og sjúkrarøktarfakligar førleikar. Framløgan verður í Smæruni mánadagin 17. januar 2022 kl. 14, og verður stroymd her:   Skrá: Óluva í Gong, forkvinna, bjóðar vælkomin Framløga av tilmælinum, ið Sunnuva á Lakjuni, sjúkrarøktarfrøðingur og master í…

Skerjir man sjúkrahúsverkið, so skal man vera klárur at taka fylgjuna

Eitt sjúkrahúsverk í heimsklassa. Eitt sjúkrahúsverk, ið lovar viðgerðartrygd. Tað er púra vist, at vit ynskja okkum nógv, men tað sær ikki út til, at politiska skipanin vil gjalda. Skerjingar í sjúkrahúsverkinum er sjálvsagt ein politisk avgerð, men eitt er heilt vist, tey, sum taka hesa avgerð, mugu eisini taka ábyrgd av fylgjunum. Sum eina…

Felags yvirlýsing samtykt av Sjúkrarøktaretisku Ráðunum í Norðurlondum

Felags yvirlýsing, samtykt av Sjúkrarøktaretisku Ráðunum í Norðurlondum, í sambandi við Norðurlendskan Etikk ráðsfund í Kolding 27 – 28 september 202 Sjúkrarøktarfrøðingar vilja ikki skírast hetjur Heimsfevnandi útbreiðslan av Covid-19 smittuni hevur lært okkum nógv um, hvussu samfelagið virkar í kreppustøðu, og hvussu heilsuverkið virkar undir so álvarsligum trýsti, sum ein alheimsfarsótt gevur. Vit eru…

Einfaldari at fáa útgoldið pensión úr Danmark

Nú verður lættari hjá túsundtals føroyingum at fáa síni skattaviðurskifti í lag í sambandi við útgjald av pensjónum úr donskum pensjónskassum. Sjúrður Skaale, fólkatingslimur, hevur seinasta árið fleiri ferðir heitt á danska skattamálaráðharran, Morten Bødskov, um at broyta skipanina fyri útgjaldi úr donskum pensjónskassum, soleiðis at hendan tekur atlit til, at føroyingar búsitandi í Føroyum…

Nógv bíligari at stytta arbeiðsvikuna í 37 tímar

Nettokostnaðurin av at stytta arbeiðsvikuna á almenna arbeiðsmarknaðinum niður í 37 tímar er 104 mió, og ikki 750 mió, sum politiski myndugleikin áður hevur spátt. Á tíðindafundi í Smæruni í dag varð kanning løgd fram av fyrimunum og kostnaðinum við at stytta arbeiðsvikuna til 37 tímar. Kanningin vísti, at ein styttri arbeiðsvika hevur við sær…

Nógv bíligari at stytta arbeiðsvikuna í 37 tímar

Nettokostnaðurin av at stytta arbeiðsvikuna á almenna arbeiðsmarknaðinum niður í 37 tímar er 104 mió, og ikki 750 mió, sum politiski myndugleikin áður hevur spátt. Á tíðindafundi í Smæruni í dag varð kanning løgd fram av fyrimunum og kostnaðinum við at stytta arbeiðsvikuna til 37 tímar. Kanningin vísti, at ein styttri arbeiðsvika hevur við sær…

Fleiri sjúkrarøktarfrøðilesandi í 2022

Undir framløguni av fíggjarlógini fyri 2022 í gjár boðaði landsstýrismaðurin í fíggjarmálum Jørgen Niclasen frá, at samgongan hevur valt at raðfesta útbúgvingina til sjúkrarøktarfrøðing, og longu í gjárkvøldið var klárt at søkja inn á Setrið til at byrja í januar 2022. Felagið Føroysir Sjúkrarøktarfrøðingar frøðist yvir raðfestingina. Tørvurin eftir sjúkrarøktarfrøðingum er stórur, og gleðiligt er…

Nógvir fyrimunir við 37 tíma arbeiðsviku

Kanningin um 37 tíma arbeiðsviku verður løgd alment fram í Smæruni týsdag 5.okt. kl. 14.00. Fyrimunirnir við eini styttri arbeiðsviku eru nógvir. Tað er ein av niðurstøðunum í kanning, ið Jan Otto S. Holm, búskapar- og fíggjarfrøðingur og Regin Berg, stjórnmálafrøðingur, hava gjørt fyri átta fakfeløg á almenna arbeiðsmarknaðinum. Endamálið við kanningini er at lýsa…

Evnisdagur “At eyðmerkja og handfara etiskar støður í sjúkrarøktini”

Áhugabólkarnir FPS, FÁ2, FÁ3, FÁG4, FÁ5, FÁ6 og FÁ8 saman við Sjúkrarøktaretiska Ráðnum skipa fyri evnisdegi fyri  limunum í Felagnum Føroyskir Sjúkrarøktarfrøðingar “At eyðmerkja og handfara etiskar støður í sjúkrarøktini” Týsdagin 26 oktober kl 8.30 -15.30 á Hotel Føroyum Fyrrapartin fer navnframi filosoffurin Jacob Birkler  at halda fyrilestur við støði í evninum og luttekur í…

Arbeiðið og tú

Deildin fyri Arbeiðs- og Almannaheilsu er í gongd við spurnarkanningina “Arbeiðið og tú, ið hevur til endamáls at kanna arbeiðsumhvørvið hjá føroyingum. Felagið vil heita á limir um at stuðla hesi kanning við at svara spurningunum her: https://redcap.link/arbeidsumhvorvi

9 vikur og so gekk ikki longur

Donsku sjúkrarøktarfrøðinganir verða lóggivnir til arbeiðis eftir drúgt verkfall. Sjálvt um ivi er sáddur um tølini, so vil danski ministarin í heilsumálum verða við at 77.000 skurðviðgerðir og aðrar viðgerðir eru útsettar. Hann vil verða við, at tað fer at taka 2 ár hjá heilsuverkinum at arbeiða seg ígjøgnum rúgvuna viðgerðum, sum hava hópa seg…

Summarferia

Skrivstova felagsins er stongd frá 19. juli til 16. august. Um limir hava átrokandi boð til felagið í hesum tíðarskeiði, ber til at senda ein teldupost til info@sjukrarokt.fo Felagið ynskir øllum limum eitt framhaldandi gott summar

21 prógv í sjúkrarøktarfrøði og fólkaheilsu

Í dag fingu 19 lesandi prógv í Kongshøll, og kunnu nú kalla seg B.Sc í sjúkrarøktarfrøði. Eisini fingu tveir sjúkrarøktarfrøðingar handað prógv fyri teirra masterútbúgving í fólkaheilsu. Kristianna Dam, útbúgvingarleiðari bjóðaði vælkomin og Magni Mohr, dekanur helt røðu. Óluva í Gong, forkvinna fyri Felagið Føroyskar Sjúkrarøktarfrøðingar fekk eisini høvi at handa nýklaktu sjúkrarøktarfrøðingunum limanál felagsins. Gestarrøðari…

Stuðulsyvirlýsing

Felagið Føroyskir sjúkrarøktarfrøðingar lýsir hervið sín stuðul til Føroya Pedagogfelag í teirra stríði fyri, at fáa betri sømdir til limir sínar. Semja finst bert, um partarnir seta seg saman fyri at finna eina felags loysn, tí vilja vit heita á Fíggjarmálaráðið/KAF um at seta seg aftur við samráðingarborðið. Tað er har, ið loysnin eigur at…

Álop á fakfelagsrørsluna

Fakfelagssamstarvið átalar staðiliga ætlanum hjá landsstýrismanninum í arbeiðsmarknaðarmálum at skerja verkfalsrættin hjá fakfeløgunum. Hetta er eitt álop á alla fakfelagsrørsluna og á fría samráðingarrættin. At lóggeva sjálvan rættin at fara í verkfall frá fakfeløgunum, er at broyta sjálvt grundarlagið fyri sáttmálasamráðingum. Fakfelagsrørslan er ein hornasteinur í vælferðarsamfelagnum, og hevur tryggjað vanliga borgaranum tey livikorð, tær…

Álop á fakfelagsrørsluna

Fakfelagssamstarvið átalar staðiliga ætlanum hjá landsstýrismanninum í arbeiðsmarknaðarmálum at skerja verkfalsrættin hjá fakfeløgunum. Hetta er eitt álop á alla fakfelagsrørsluna og á fría samráðingarrættin. At lóggeva sjálvan rættin at fara í verkfall frá fakfeløgunum, er at broyta sjálvt grundarlagið fyri sáttmálasamráðingum. Fakfelagsrørslan er ein hornasteinur í vælferðarsamfelagnum, og hevur tryggjað vanliga borgaranum tey livikorð, tær…

Stuðulsyvirlýsing

Felagið Føroyskir sjúkrarøktarfrøðingar lýsir hervið sín stuðul til Føroya Pedagogfelag í teirra stríði fyri, at fáa betri sømdir til limir sínar. Semja finst bert, um partarnir seta seg saman fyri at finna eina felags loysn, tí vilja vit heita á Fíggjarmálaráðið/KAF um at seta seg aftur við samráðingarborðið. Tað er har, ið loysnin eigur at…

Yvirlýsing frá Felagnum Føroyskir Sjúkrarøktarfrøðingar

Í dag er altjóða sjúkrarøktarfrøðidagur. Hesin dagurin 12. Mai er føðingardagur Florence Nightingale. Florence Nightingale legði lunnar undir sjúkrarøktina fyri nær um 200 árum síðani. Á altjóða sjúkrarøktarfrøðidegnum, høvdu sjúkrarøktarfrøðingarnir aðalfund. Luttøkan var metstór. Omanfyri 300 sjúkrarøktarfrøðingar luttóku á fundinum. Tað, sum yvirskipað stóð eftir frá fundinum var arbeiðstíð og arbeiðsumhvørvi. Temafrágreiðingin frá Búskaparráðnum vísir…

Tórhild Bærentsen er ársins sjúkrarøktarfrøðingur 2020

Um ársins sjúkrarøktarfrøðingur verður sagt er ein eldsál, ið hevur staðið á odda at fremja batar við tí endamáli, at sjúklingurin fær bestu røkt og viðgerð. Hon hevur ment mannagongdir, sum eru komnar bæði vandum og ikki minst nýggjum starvsfólki til góðar. Hon er sera góð við sjúklingarnar og er ein avbera góður starvsfelagi, sum…

Fyrilestur um evnið: seksualitetur og prostatakrabbi

Hvussu ofta tosar tú um seksualitet við tínar sjúklingar? Mikukvøldið 5. mai kl 19, fer Johan Poulsen, urologur, at hava fyrilestur um evnið: seksualitetur og prostatakrabbi. Fyrilesturin verður í húsum felagsins í Lucas Debesargøtu 14. Kaffi, te og okkurt søtt verður at fáa. Tað er Fá2 sum skipar fyri og kvøldið er bert fyri limir…

Fasti Gerðarrættur hevur talað

Fíggjarmálaráðið kærdi Felagið Føroyskar Sjúkrarøktarfrøðingar fyri Fasta Geðarrætt, tí felagið noktaði limum sínum at søkja starvið sum fakligur stjóri í Gigni. Niðurstøðan frá Fasta Gerðarrætti, ið kom seint leygarkvøldið er, at Felagið Føroyskir Sjúkrarøktarfrøðingar hevur brotið friðarskylduna, tí starvið er flokkað í sáttmálanum. Sjálvsagt fylgir FFS avgerðini hjá Fasta Gerðarrætti, og tískil stendur øllum heilsufrøðingum…

Aðalfundur verður Altjóða sjúkrarøktarfrøðidagin 12. mai

Útsetti aðalfundur felagsins verður á Hotel Føroyum mikudagin 12. mai 2021 Fundurin byrjar kl 15:00 Dagsskrá sambært viðtøkum felagsins § 14, 3 stk. Val av fundarstjóra Val av atkøvðuteljarum Góðkenning av dagsskrá Góðkenning av starvsskipan Frágreiðing formansins Framløga av rammufíggjarætlan og roknskapi, harímillum áseting av limagjaldi Innkomin uppskot Val av tveimum grannskoðarum Ymiskt Neyðugt er…

Aðalfundur í FÁ6, fakligi áhugabólkurin fyri leiðandi sjúkrarøktarfrøðingar

Aðalfundur Fakligi áhugabólkurin FÁ6 Aðalfundur okkara verður fríggjadagin tann 16. apríl 2021 kl.15.00 á Hotel Brandan. Skrá sambært viðtøkum. Fyri at luttaka og hava atkvøðurætt, skal limagjaldið vera goldið fyri 2021. Tilmelding innan 13. apríl 2021 við telduposti til jongerd-nielsen@kallnet.fo

Aðalfundur hjá FPS

Aðalfundurin hjá FPS verður týsdagin 13. apríl kl 16:30 á Hotel Brandan Skrá sambært viðtøkunum Tilmelding er neyðug Nevndin

Valúrslit av nevndarvalinum

Valúrslitið av nevndarvalinum er: Anja heldur áfram í nevndini í Felagnum Føroyskir Sjúkrarøktarfrøðingar. Súsanna Funding er nývald. Nevndarlimirnir eru: Óluva í Gong, forkvinna afturvald uttan mótkandidat Teresa Damgaard-Jarnfoss Ása samuelsen Anja Perdomo Jacobsen, afturvald Súsanna Funding, nývald Kára Debess Magnussen, tiltakslimur Nevndin skipar seg eftir aðalfundin, ið verður lýstur inni á heimasíðuni í næstum.

Aðalfundurin er útsettur

Tá hugsað verður um Korona og tilmælini í hesum sambandi, var tað møguliga eitt sindur djarvt at seta aðalfundin hjá Felagnum Føroyskir Sjúkrarøktarfrøðingum á skráð longu 20. mars 2021. Avgerðin um at halda aðalfundin var tikin út frá sjónarhorninum um, at allir virknir limir í felagnum hava fingið boðið vaccinu móti COVID-19 og næstan allir…

Hvør skal umboða tína rødd

Valið til nevndina í Felagnum Føroyskir Sjúkrarøktarfrøðingar er byrjað og heldur fram til 15. mars. Ynskir tú at hava ávirkan á hvør mannar nevnd felagsins og umboðar tína rødd, er tað nú tú hevur møguleikan. Les um Anja Perdomo, Kára Debess Magnussen og Súsanna Funding við at trýsta á navn teirra. Fyri at atkvøða er neyðugt at senda felagnum ein…

Valgrein: Súsanna Funding

Súsanna Funding: Eg eiti Súsanna Funding, og eg eri 44 ára gomul. Eg eri búsitandi í Hoyvík saman við manni mínum og okkara trim­um børnum. Eg varð útlærd sum sjúkrarøktarfrøðingur í 2005. Eg var á síðsta holdi eftir gomlu út­búgv­ingini undan bachelorunum. Næm­inga­felagið royndi sítt ítarsta fyri, at vit beinanvegin kundu taka ískoytið til bachelor.…

Valgrein: Kára Debess Magnussen

Eg eiti Kára Debess Magnussen, eri 47 ár og havi verið sjúkrasystir síðan 2000. Eg búgvi saman við Arnbjørn og tilsamans hava vit 4 børn frá 11 til 23 ár. Seinastu 12 árini havi eg arbeitt á B8 og Lunga Amb.. Eg vil fegin bjóða meg fram sum valevni til nevndarlim. Nevndararbeiði hevur altíð havt…

Valgrein: Anja Perdomo

Enn eitt nevndarval stendur fyri dur­um, og aftaná at hava hugsað tað gjølla og væl ígjøgnum, tykist tað mær meira at vera eitt sjálvandi enn eitt ja, kanska burdi eg stilla upp aftur. Hettar fyrsta nevndar­virk­semis­skeið­­­ið er farið aftur um bak, og tað hev­ur gingið sera skjótt. Eg var spent at byrja hettar nýggja kapitullið…

Nevndarval 2021

Hesir limir hava stilla upp til nevndarval 2021. Valgreinarnar eru í Vøku, ið kemur út seinast í hesi vikuni, ella fyrst í næstu viku.

Kampval til nevndina í Felagnum Føroyskir Sjúkrarøktarfrøðingar

Tá freistin var úti í gjár, høvdu trý valevni bjóða seg fram til tveir nevndarsessir í felagnum. Nærri kunning um valið kemur seinni

Óluva í Gong heldur fram sum forkvinna

Óluva í Gong heldur áfram sum forkvinna í Felagnum Føroyskir Sjúkrarøktarfrøðingar. Hetta gjørdist greitt, tá freistin fyri at stilla upp var úti kl 16:00 í gjár og einki mótvalevnið stillaði upp. Óluva hevur sitið sum forkvinna í felagnum síðan á vári 2012.

Takk fyri tykkara stuðul!

Forkvinnan og nevndin í Felagnum Føroyskir Sjúkrarøktarfrøðingar vilja við hesum takka tykkum øllum, sum hava stuðlað okkum í okkara stríði fyri betri løn til sjúkrarøktarfrøðingar Í Føroyum. Vit hava fylgt væl við í øllum viðmerkingum og kjaki á sosialu miðlunum. Nevndin hevur ikki havt møguleika at tikið lut í kjakinum og gjørt viðmerkingar. Men hetta…

Semja er gjørd

Felagið Føroyskir Sjúkrarøktarfrøðingar fegnast um, at semja er gjørd við Fíggjarmálaráðið, og at okkara limir tí sleppa aftur til arbeiðis. Semjan er neyvt sama uppskot, sum vit bóru í Fíggjarmálaráðið fyri einum mánaði síðan. Tó er longdin á sáttmálanum longd við trimum mánaðum eftir ynski frá Fíggjarmálaráðnum, soleiðis at sáttmálaskeiðið er frá 31. oktober 2019…

Fráboðan um víðkaðan arbeiðssteðg

Felagið Føroyskir Sjúkrarøktarfrøðingar hevur verið í verkfalli í nærum tríggjar vikur, uttan at Fíggjarmálaráðið hevur flutt seg ein tumma. Tí kenna vit okkum enn einaferð noydd til at herða verkfallið. Vit fóru í verkfall, tí at Fíggjarmálaráðið ynskir at varðveita søguliga skeivleikan í lønini hjá okkara limum. Hetta kunnu sjúkrarøktarfrøðingar sjálvandi ikki góðtaka. Støðugt heldur…

Átala frá Fakfelagssamstarvinum til Fíggjarmálaráðið

Vit í Fakfelagssamstarvinum vilja koma við eini fráboðan um, at vit kenna okkum ikki aftur í útsøgnini hjá Jan Mortensen í D&V 2.nov um, at vit í Fakfelagssamstarvinum vóru boðin við á ein fund um, har ”loysnir ella ein yvirskipað avtala var okkum í boði, og fakfeløgini takkaðu nei”. Hetta er beinleiðis í andsøgn við…

Ódámligur atburður frá sjúkrahúsleiðsluni

Felagið Føroyskir Sjúkrarøktarfrøðingar vil við hesum skrivi minna stjóran á sjúkrahúsverkinum Steinar Eirikstoft á, at hansara uppgáva er at leiða sjúkrahúsini, ikki at føra arbeiðsmarknaðarpolitikk ella renna ørindi fyri landsstýrismannin í fíggjarmálum. Stjórin bar ósannindi fram í Degi og Viku mánadagin um, at sjúkrarøktarfrøðingarnir høvdu sett bráðfeingistilbúgvingina í vanda. Hetta hóast sjúkrarøktarfrøðingar á bráðmóttøkuni G1…

Vit tryggja heilsuverkið

Nú verkfallið hjá sjúkrarøktarfrøðingum fer inn í triðju viku, er enn einki, ið bendir á, at landsstýrismaðurin í fíggjarmálum tekur støðuna í álvara. Á fundinum fríggjadagin sló Jørgen Niclasen fast, at Fíggjarmálaráðið krevur, at munurin á lønini hjá sjúkrarøktarfrøðingum og øðrum bólkum við somu útbúgvingarlongd, skal varðveitast. Síðan hevur hann alt vikuskiftið á sosialu miðlunum…

Ikki villleiða fólk, Jørgen!

Felagið Føroyskir Sjúkrarøktarfrøðingar harmast, at landsstýrismaðurin roynir at grugga málið í síni samrøðu við VP. Hetta vísir, at Jørgen Niclasen ongan áhuga hevur í at finna eina semju, hóast bæði løgmaður og landsstýrismaðurin í heilsumálum hava heitt á hann um at finna eina loysn. Hetta vísir, júst hví samráðingarnar eru endaðar við verkfalli. Viljin at…

Samandráttur av pallborðfundinum um eldraøkið

Felagið Føroyskir Sjúkrarøktarfrøðingar og Heilsuhjálparafelag Føroya skipaðu fyri pallborðsfundi um eldraøkið á Hotel Føroyum mikukvøldið 28. oktober, har borgarstjórar í samstarvsøkjunum á eldraøkinum luttóku. Fundurin byrjaði við, at Mary Antonsdóttir, forkvinna í Heilsuhjálparafelag Føroya ,hevði eina inngangsrøðu til íblástur. Mary setti spurningin: Hvat er tað fyri eldrarøkt kommunurnar vilja hava og vildi hon hava at…

Hvar er Jørgen?

Í Degi og viku í gjár heitti Løgmaður á Fíggjarmálaráðið og Felagið Føroyskir Sjúkrarøktarfrøðingar um at loysa lønartrætuna við samráðingarborðið. Hann heitti samstundis á okkum um at geva tey undantøk, ið sjúkrahúsini bóðu um. Vit tóku áheitanina frá Løgmanni til eftirtektar og góvu umbidnu undantøk í 24 tímar, hóast vit ikki mettu, at støðan var…

Hvar er Fíggjarmálaráðið?

Felagið Føroyskir Sjúkrarøktarfrøðingar hevur verið í verkfalli í góðar tvær vikur nú. Vit fóru í verkfall, tí at Fíggjarmálaráðið ynskir at varðveita søguliga skeivleikan í lønini hjá okkara limum. Tveir partar kunnu steðga verkfallinum, men tað krevur samskifti og áhuga í at loysa ósemjuna. Hóast hetta er tað púra stilt í Fíggjarmálaráðnum. Tað tykist, sum…

Víðkaður arbeiðssteðgur

Vísandi til avtalu frá 1. juli 2014 millum Fíggjarmálaráðið og Felagið Føroyskar Sjúkrarøktarfrøðingar um fráboðanarform og fráboðanarfreist undan arbeiðssteðgi, verður hervið boðað frá arbeiðssteðgi fyri sjúkrarøktarfrøðingar frá fríggjadegi 30. oktober 2020 kl. 16:00 fyri: Sjúkrarøktarfrøðingar í kommunulæknavaktini  á  Landssjúkrahúsinum

Leinkja til stroymingina av pallborðfundinum

Felagið Føroyskir Sjúkrarøktarfrøðingar og Heilsuhjálparafelag Føroya skipa í kvøld kl 19.00 fyri pallborðsfundi um eldraøkið á Hotel Føroyum. Fundurin verður skipaður við pallborði og hesum evnum: · Rætturin at arbeiða fulla tíð · Starvsfólkanormering · Hvat vilja kommunurnar gera, fyri at tiltrekkja sjúkrarøktarfrøðingar og heilsuhjálparar og varðveita hesi í størvunum. Við pallborðið sita borgarstjórar, sum…

Víðkaður arbeiðssteðgur

Vísandi til avtalu frá 1. juli 2014 millum Fíggjarmálaráðið og Felagið Føroyskar Sjúkrarøktarfrøðingar um fráboðanarform og fráboðanarfreist undan arbeiðssteðgi, verður hervið boðað frá arbeiðssteðgi fyri sjúkrarøktarfrøðingar frá hósdegi 29. oktober 2020 kl. 15:00 fyri: Sjúkrarøktarfrøðingar á songjardeild A3  á Landssjúkrahúsinum Sjúkrarøktarfrøðingar á dagskurð á Landssjúkrahúsinum Sjúkrarøktarfrøðingar á songjardeildini á Suðuroyar Sjúkrahúsi Undantikið deildarleiðarar og varaleiðarar…

Ring til Jørgen, Kaj!

Í Degi og Viku í gjár ljóðaði, at landsstýrismaðurin í heilsumálum, Kaj Leo Holm Johannesen, umhugsaði politiska uppílegging í verkfallið hjá sjúkrarøktarfrøðingum. Tosað varð um, at løgtingið skuldi steðga verkfallinum. Hetta er eitt sera ógvisligt inntriv í samráðingarrættin á arbeiðsmarknaðinum, trupult at rættvísgera og eisini fullkomiliga óneyðugt. Tí við eini telefonsamrøðu við Fíggjarmálaráðið kann landsstýrismaðurin…

Arbeiðssteðgurin verður víðkaður

Vit mugu staðfesta, at Fíggjarmálaráðið ikki vísir nakran vilja at finna semju. Vit víðka tí arbeiðssteðgin frá mánamorgni kl. 7, til at fevna um B6 á Landssjúkrahúsinum, galdandi fyri allar sjúkrarøktarfrøðingar undantikið deildarleiðslu og røkt og viðgerð av palliativum sjúklingum.

Vit góðtaka ikki ójavnan longur

Í Degi og viku í gjár bar stjórin á lønardeildini enn einaferð fram, at Fíggjarmálaráðið ikki ynskir at rætta skeivleikan í lønarlagnum hjá sjúkrarøktarfrøðingum samanborið við aðrar fakbólkar við sama útbúgvingarstøði og somu ábyrgd. Skeivleikin í lønarlagnum gongur minst 50 ár aftur, og hann skal burtur, fyri at yrkið eisini framyvir skal vera áhugavert at…

Dansk Sygeplejeråd stuðlar verkfallinum

Dansk Sygeplejeråd lýsir á heimasíðu síni nú sín stuðul til verkfallið hjá Felagnum Føroyskir Sjúkrarøktarfrøðingar. “Øll feløg fyri sjúkrarøktarfrøðingar í Norðurlondum, stríðast sama stríð um rættvísa løn til sjúkrarøktarfrøðingar. Tørvur er á eini uppgerð við tann søguliga skeivleikan í lønini, ið hevur hildið lønini hjá sjúkrarøktarfrøðingum niðri í alt ov nógv ár. Ein skeivleiki, sum…

Pallborðsfundur um eldraøkið

Felagið Føroyskir Sjúkrarøktarfrøðingar og Heilsuhjálparafelag Føroya fara mikudagin 28. oktober kl. 19 at skipa fyri pallborðsfundi á Hotel Føroyum. Fundurin verður skipaður við pallborði og hesum evnum: ·         Rætturin at arbeiða fulla tíð ·         Starvsfólkanormering ·         Hvat vilja kommunurnar gera, fyri at tiltrekkja sjúkrarøktarfrøðingar og heilsuhjálparar og varðveita hesi í størvunum. Orsaka av almennu tilmælunum,…

340.000 sjúkrarøktarfrøðingar stuðla verkfallinum

Sygeplejerskernes Samarbejde i Norden hevur í brævi í dag boðað frá, at tey stuðla verkfallinum hjá Felagnum Føroyskir Sjúkrarøktarfrøðingar og vísa sín fulla solidaritet við sjúkrarøktarfrøðingunum, ið eru í verkfalli. 340.000 norðurlendskir sjúkrarøktarfrøðingar eru limir í felagnum, og hesir standa saman við okkum í stríðnum fyri at rætta skeivleikan. Tey vísa á, at rættvís løn…

Víðkaður arbeiðssteðgur

Vísandi til avtalu frá 1. juli 2014 millum Fíggjarmálaráðið og Felagið Føroyskar Sjúkrarøktarfrøðingar um fráboðanarform og fráboðanarfreist undan arbeiðssteðgi, verður hervið boðað frá víðkaðum arbeiðssteðgi  frá hósdegi 22. oktober 2020 kl. 15:00 fyri: Sjúkrarøktarfrøðingar á songjardeild B8  á Landssjúkrahúsinum Undantikin eru deildarleiðari, varaleiðari og ambulant virksemi.

0%

Tá sjúkrarøktarfrøðingar í 2017 fóru í verkfall, var tað fyri at rætta søguliga skeivleikan í lønarlagnum. Semjan í 2017 var eitt stig á vegnum, men enn er langt á mál til eitt lønarlag, ið er á støði við aðrar fakbólkar við somu útbúgvingarlongd og ábyrgd. Tí var tað hugstoytt, at Fíggjarmálaráðið byrjaði samráðingarnar hesaferð við…

Samband við Felagið Føroyskar Sjúkrarøktarfrøðingar

Uttanfyri vanliga telefontíð svarar felagið á tlf 511309 ella á teldupostadressu: anar@sjukrarokt.fo

Verkfall er lýst

Árið 2020 er ár sjúkrarøktarfrøðinga. Tað, sum skuldi vera eitt ár við hátíðarhaldi og fagnaði, gjørdist ístaðin árið, har korona setti dagsskránna. Hátíðarhaldini vórðu flutt á netið ella avlýst. Korona hevur tó sett sjúkrarøktarfrøðingarnar í miðdepilin á annan hátt. Okkara limir hava saman við øðrum heilsustarvsfólki staðið á odda í tilbúgvingini og hava ikki sett…

Verkfalsrætturin er hóttur

Fíggjarmálaráðið hevur í dag havnað okkara uppskoti um semju, hóast nærum einki skilir partarnar fíggjarliga. Hetta líkist eini tilætlaðari roynd at trýsta okkum til at fara í verkfall. Líka síðan samráðingarnar byrjaðu, hevur fíggjarmálaráðið kravt, at vit frásiga okkum rættin at fara í verkfall. Hetta er sjálvandi ikki nakað, ið vit nakrantíð fara góðtaka. Men fara vit…

Partarnir samskifta

Í gjár endaði Semingsstovnurin royndina at finna eina semju um nýggjan lønarsáttmála millum Felagið Føroyskir Sjúkrarøktarfrøðingar og Fíggjarmálaráðið. Nevndin í felagnum hevur bæði í gjár og í dag umrøtt støðuna og ásannar, at støðan er trupul og álvarsom. Bæði Felagið Føroyskir Sjúkrarøktarfrøðingar og Lønardeildin í Fíggjarmálaráðnum eru tó greið yvir, at best er at finna…

Semingsuppskotið vrakað

Felagið Føroyskir Sjúkrarøktarfrøðingar og Lønardeildin í Fíggjarmálaráðnum møttust á Semingsstovninum kl 14:00 í dag, har partarnir skuldu koma við svari til semingsuppskotið, ið var lagt fyri partarnar týsnáttina kl 01:00. Nevndin í Felagnum Føroyskir Sjúkrarøktarfrøðingar hevur vrakað semingsuppskotið. Semingsstovnurin hevur samstundis endað semingsroyndina. Hetta er sera álvarsamt, og nevndin viðgerð í løtuni støðuna.

Álitisumboðsval

Álitisumboðsval stendur fyri durum, og hevur tú hug at gera tína ávirkan og økja um tína vitan innan fakfelagsarbeiði, er møguleiki til tað nú.  Álitisumboð fáa høvi at læra um álitisumboðsvirksemi, sáttmálan, lógir, sáttmálasamráðingar v.m.. Við øktari vitan økist eisini áhugin fyri arbeiðinum. Álitisumboðið er knýtt at ávísum arbeiðsplássi og hevur beinleiðis samband við Felagið…

Semingsstovnurin boðsendur

Sáttmálin millum Felagið Føroyskar Sjúkrarøktarfrøðingar og Fíggjarmálaráðið gekk út 1. oktober 2019. Nógvir fundir hava verið hildnir fyri at fáa nýggjan sáttmála, men í dag mátti so staðfestast, at partarnir ikki koma á mál. Niðurstøðan er tí, at partarnir eru samdir um at boðsenda semingsstovninum.

Talgild SSN-framsýning á heimasíðuni hjá Sygeplejehistorisk Museum

Danska Sygeplejehistorisk Museum hevur í hesum døgum eina talgilda framsýning um Samstarvið hjá Sjúkrarøktarfrøðingum í Norðurlondum í sambandi við 100 ára dagin hjá felagsskapinum. Les í greinasavninum her Hygg at myndum her

Til lukku við 100 ára norðurlendskum samstarvi

8. september eru júst 100 ár síðani, at 1.000 sjúkrarøktarfrøðingar úr norðurlondum hittust í Keypmannahavn og settu Samstarvið hjá sjúkrarøktarfrøðingum í Norðurlondum, SSN, á stovn. Endamálið var at stríðast fyri betri útbúgving, arbeiðskorum og løn. Tveir av málsetningunum eru náddir, men enn er mismunur í lønarviðurskiftunum. 1.000 sjúkrarøktarfrøðingar lótu seg í 1920 í hatt og…

Bóklingur í sambandi við 100 ára hátíðarhald

Í sambandi við 100 ára føðingardagin hevur SSN útgivið hendan bóklingin, sum lýsir søguna um tey seks sjúkrarøktarfrøðifeløgini í Norðanlondum. Les um hvussu sjúkrarøktarfrøðingar í Føroyum, Danmark, Íslandi, Noregi, Finnlandi og Svøríki – við sama útgangsstøði, men á heilt ymiskum økjum – geva sítt íkast til samfelagið og til somu málini sum SSN. Les bóklingin…

Heilsan frá Kaj Leo Holm Johannesen, heilsumálaráðharra

Kaj Leo Holm Johannesen, landsstýrismaður í heilsumálum, letur heilsan til norðurlendsku sjúkrarøktarfrøðingarnar, nú SSN fyllir 100 ár.

“Eg eri sjúkrarøktarøktarfrøðingur”

Sjúkrarøktarfrøðingar finnast í alskyns skapum. Í hundrað ár hevur Samstarvið hjá sjúkrarøktarfrøðingum í Norðurlondum stríðst fyri sjúkrarøkt av høgari góðsku og góðum arbeiðskorum hjá sjúkrarøktarfrøðingum.

Skrivstova felagsins er opin

Skrivstova felagsins er opin aftur frá í dag 10 august Núverandi støðan við COVID-19 hevur viðført fleiri ivaspurningar millum limir felagsins. Felagið Føroyskir Sjúkrarøktarfrøðingar hevur tí tikið støðu til at opnað skrivstovuna eina viku fyrr enn ætlað. Fyri at fylgja almennu tilmælunum, verða limir, ið hava fyrispurningar til felagið, um at ringja í telefontíð á…

Hátíðarløta í Kongshøll

Í dag fingu 25 lesandi prógv í Kongshøll, og kunnu nú kalla seg B.Sc í sjúkrarøktarfrøði. Eisini fingu tveir sjúkrarøktarfrøðingar handað prógv fyri teirra masterútbúgving í Heilsuvísind. Sjálvt um tiltakið varð samsvarandi almennu leiðreglunum um avmarkaða atgongd og frástøðu, var hetta ein hátíðarlig løta, har May-Britt Skoradal, varadekanur bjóðaði vælkomin og Magni Mohr, dekanur helt røðu.…

Oddbjørg ársins sjúkrarøktarfrøðingur 2020

Á aðalfundi felagsins varð Oddbjørg Johansen, leiðari á Bú- og viðgerðarstovninum í Stoffalág kosin til ársins sjúkrarøktarfrøðing 2020. Grundgeving fyri innstillingini: Oddbjørg hevur áhaldandi ment seg fyri at kunna útinna sjúkrarøkt á høgum støði. Hon hevur tikið stig til at útbúgva starvsfólk, bæði innan psykiatriska økið og í almenna rúminum. At arbeiða saman við henni…

Noomi ársins álitisfólk 2020

Á aðalfundi felagsins 13. juni varð Noomi Holm, álitisfólk á skurðgognini á Suðuroyar Sjúkrahúsi kosin sum ársins álitisfólk. Grundgeving fyri innstillingini var: Noomi er ágrýtin og nærløgd. Í leikluti sum álitisfólk setir hon seg væl inn í viðkomandi viðurskifti og leitar sær holla ráðgeving og vegleiðing um neyðugt. Hon smæðist ikki burtur, tá tað snýr…

Leinkja til stroymingina í dag kl 14.00

TRÝST HER

Starvsfólk, ið verða smittað við COVID-19 virusi meðan tey eru til arbeiðis

Felagið føroyskir Sjúkrarøktarfrøðingar hevur havt samskifti við Arbeiðseftirlitið um hvussu starvsfólk, sum veða smittaði við COVID-19 í arbeiðið, skulu fyrihalda seg. Boðini frá Arbeiðseftirlitinum eru: Hetta skal skrásetast og fráboðast eins og aðrir arbeiðsskaðar verða fráboðaðir.

Luttak í kanningini “Sálarheilsan hjá føroyskum løntakarum undir COVID-19 átøkunum”

Luttak í kanningini  “Sálarheilsan hjá føroyskum løntakarum undir COVID-19 átøkunum”. Leinki til kanningina: trýst her Kunning um kanningina: Verkætlanarleiðari er Annika Helgadóttir Davidsen, Løggildur sálarfrøðingur og phd, sum kemur at samstarva við Pál Weihe, leiðara á Deildini fyri Arbeiðs- og Almannaheilsu, Mariu Skaalum Petersen, granskara á Deildini fyri Arbeiðs- og Almannaheilsu og leiðari av Deplinum fyri Heilsu-…

Einsemið er størri enn koronaóttin

Fólk tykjast ikki at vera so bangin fyri korona. Tey eru meira ávirkað av, at ongin kemur at vitja, sigur Birgit Berg Danielsen, heimasjúkrarøktarfrøðingur. Hon er ein av royndastu heimasjúkrarøktarfrøðingunum í landinum. Í skjótt fjøruti ár hevur hon verið á gátt hjá føroyingum, sum hava brúk fyri sjúkrarøkt við hús. Birgit Berg Danielsen hevur arbeitt…

Av Skúlabonki í tilbúgvingina

Lesnaðurin hjá Mariu Skála Davidsen og Rósu Ragnarsdóttir Hjaltalin er skiftur út við vaktir í heilsuverkinum, nú koronasmittan herjar. Tað er okkara skylda at hjálpa, siga tær.  Tær læra til sjúkrarøktarfrøðing. Ganga á 3. ári og verða lidnar næsta summar, gongst sum ætlað. Beint nú áttu tær at sitið á skúlabonki og lagt seinastu hond…

Tú verður avbjóðað á øllum frontum

Vit vita allar, at okkara starvsfelagar eru knasandi dugnaligar, og at allar eru serfrøðingar á sínum øki. Hendan breiða medisinska fakligheitin gevur okkum trygd, sigur Thordis Reynstind, sjúkrarøktarfrøðingur á koronadeildini. Thordis Reynstind er ein teirra, sum fólk kring allan heim eru farin at klappa fyri regluliga. Hon er sjúkrarøktarfrøðingur. Ein av hetjunum í fremstu røð…

Skjótt tríggjar vikur við Korona

Ofta verður sagt, at tá samfelgið fer heim, fara sjúkrarøktarfrøðingar til arbeiðis. Vanliga er hettar um kvøldið, um náttina og til allar høgtíðir. Soleiðis er tíverri eisini nú, Korona smittan ger um seg. Tað eru nú skjótt tríggjar vikur síðan samfelagið varð sett niður í ferð. Bárður á Steig Nielsen løgmaður heitti á føroya fólk…

Góðu sjúkrarøktarfrøðingar og lesandi

Góðu sjúkrarøktarfrøðingar og lesandi Fyrst stóra tøkk fyri tykkara arbeiði, serliga í hesum tíðum, har tit gera eitt megnar arbeiði fyri heilsuverkið/heimatænastu og eldraøkið. Tit eru lyklapersónarnir móti coronavirusinum Felagið Føroyskir Sjúkrarøktarfrøðingar vil eisini vísa samfelagssinni, og hevur tí gjørt eina seravtalu við Fíggjarmálaráðið. Semjan byggir á verandi sáttmála, tó við teimum undantøkum, ið eru…

Ár sjúkrarøktarfrøðinga

2020 er árið sum heimsheilsustovnurin (WHO) hevur útnevnt at verða ár sjúkrarøktarfrøðinga. Orsøkin til útnevningina er, at WHO ynskir at varpa ljós á týdningin av sjúkrarøktarfrøðingum kring allan heim fyri heilsustøðuna hjá øllum heimsins borgarum. Nú standa vit í einari støðu har tað er eyðsýnt fyri øll hvønn týdning sjúkrarøktarfrøðingar hava fyri samfelagið. WHO sigur,…

Aðalfundurin útsettur

Felagið Føroyskir Sjúkrarøktarfrøðingar hevur avgjørt at útseta aðalfundin, sum skuldi verða leygardagin 14. mars. Orsøkin er vandin fyri at spjaða corona smittu millum sjúk fólk og eldri borgarar kring landið. Eisini er stórur vandi fyri at heilsuverkið, heimatænastur og røktarheim kring landið verða løgd lamin, um smitta verður spreidd út, har nógvir sjúkrarøktarfrøðingar eru samlaðir.…

Vegleiðing um starvsfólka- og lønarviðurskifti í sambandi við COVID-19

Vegleiðing frá Fíggjarmálaráðnum til stovnar landsins. Vegleiðing um rættindini og skyldur í mun til fráveru í sambandi við, at COVID-19 er staðfest í Føroyum, er galdandi fyri aðalráðini og stovnar landsins. Løn til starvsfólk, ið hevur fingið staðfest COVID-19 Hevur eitt starvsfólk fingið staðfest COVID-19, eru vanligu reglurnar viðvíkjandi sjúku galdandi. Í stuttum merkir tað,…

Visit Faroe Islands hevur heiðrað tveir sjúkrarøktarfrøðingar

Visit Faroe Islands heiðraði í kvøld  tveir sjúkrarøktarfrøðingar. Birgit Andersen, deildarleiðari og forkvinna í fakliga áhugabólkinum FPS, fekk heiðurin sum ársins ambassadørur fyri ráðstevnuna “Developing dialogue” May-Britt Skoradal, varadekanur fekk heiðurin fyri ársins átak í samband við altjóða vísindaligu ráðstevnuna “Football is Medicin 2020” Felagið Føroyskir Sjúkrarøktarfrøðingar ynskir teimum báðum hjartaliga tillukku

Skriv sent til Javnstøðunevndina

Nógv hevur verið frammi í miðlunum um at kvinnur og menn ikki fáa somu upphædd útgoldnað í mánaðarligari lívrentu tá tey eru farin av arbeiðsmarknaðinum. Útgjaldið er roknað út frá, at kvinnur liva longri enn menn. Felagið Føroyskir Sjúkrarøktarfrøðingar er heilt greitt ímóti hesum útrokningarhátti, tí her verður kynið lagt til grund fyri útrokningini. Spurningurin…

Forfall vegna veður

Starvsfólk hjá landinum kunnu hava rætt til løn, um tey ikki sleppa til arbeiðis fyri veður. Hinvegin hava kommunurnar ongar fastar reglur á økinum. Nú illveður herjar um landið og nógvar avlýsingar eru, kemur meira enn so fyri, at tað ikki slepts millum bygdir og til arbeiðis fyri veður. Fráveran er lóglig í sjálvum sær,…

Latið ikki etisku refleksjónirnar tagna.

Felags samtykt frá norðurlendsku sjúkrarøktaretisku ráðunum í samband við norðurlendska etikkráðsfundi, sum var í Stockholm hin  23 – 24 september 2019, har sjúkrarøktaretisku ráðini hjá Svøríki, Noregi, Danmark, Grønlandi og Føroyum luttóku.   Latið ikki etisku refleksjónirnar tagna. Heilsu- og umsorganarstarvsfólkum tørva tíð og stuðul, fyri at varðveita etiskt tilvit. Etiska refleksjónin er ein fortreyt…

Álitisfólkadagur

Í dag hittust álitisumboð hjá Felagnum Føroyskir Sjúkrarøktarfrøðingar. Á degnum hevði Suni Poulsen, psykologur eitt upplegg um strongd og hvat eigur at verða gjørt við tað. Á degnum var breið semja um, at nú er nok tosað um strongd, vit mugu flyta okkum víðari til hvat skal gerast við trupulleikan. Álitisumboðini nýttu eisini høvi at…

Hátíðarhald á Landssjúkrahúsinum

Í dag var hátíðarhald á Landssjukrahúsinum fyri Elisabeth Hansen og Paulu Árnafjall, ið báðar hava 40 ára starvsdag. Tær fingu samstundis handað “Dronningens Tjenestemedalje” Nógv fólk vóru samlaði til hátíðarløtuna. Felagið Føroyskir Sjúkrarøktarfrøðingar ynskir teimum hjartaliga tillukku við starvsdegnum og heiðrinum

Fasti Gerðarrættur staðfestir úrskurðin frá 5. november 2017

Í uppafturtøku av málinum um verkfalsfráboðan og fráboðanarform hevur Fasti Gerðarrættur viðgjørt verkfalsfráboðanina sum Felagði Føroyskir Sjúkrarøktarfrøðingar handaði Fíggjarmálaráðnum í november 2017. Trætan snúði seg um, um arbeiðssteðgurin var lógliga fráboðaður, tá Felagið Føroyskir Sjúkrarøktarfrøðingar koyrdi sjúkrarøktarfrøðingarnar á anestesideildunum í arbeiðssteðg fríggjakvøldið tann 3. november 2017. Arbeiðsgevarasíðan meinti, at fyrsta fráboðanin um arbeiðssteðg ikki var…

Valfundur á felagnum

Felagið Føroyskir Sjúkrarøktarfrøðingar vísti í dag á einum kaffifundi við umboðum úr politisku flokkunum, hvat hevur týdning fyri at tryggja framtíðar sjúkrarøktina til føroyingar. Í stuttum vóru tað hesi trý evni, dentur varð lagdur á. Stytt arbeiðsvika Arbeiðsvikan eigur at styttast beinanvegin uttan lønarmiss. Ágóðar av styttari arbeiðsviku eru prógvaðir í okkara grannalondum tey nógvu…

Val

Politisku flokkarnir hava brynjað seg til val. Stevnuskráir eru lagdar fram, og hugskotini um, hvussu man betrar tað føroyska samfelagið, eru nógv. Sum altíð, tá tað stundar til val, kann ein sita eftir við einari kenslu av, at borgarin í Føroyum fer at fáa gull og grønar skógir komandi valskeið. Bæði áhugabólkar og fakfeløg hava valt sær…

Hátíðardagur í Kongshøll

Nógv fólk vóru komin saman í Kongshøll í dag fyri at heiðra nýggju sjúkrarøktarfrøðingunum, sum í dag høvdu framsýning av postarum sum lýsa  bacheloruppgávunar tær hava skrivað til endaligu próvtøkuna. Í ár hava 14 lesandi staðið útbúgvingina, og kunnu nú kalla seg sjúkrarøktarfrøðingar. Áhugaverdu evnini sum skriva varð um vóru “At liva við typu 2…

Semja

SEMJA í málinum um setan av forstjóra og sjúkrahússtjórum í Sjúkrahúsverkinum Tann 7. juni sendu 11 fakfeløg Heilsu- og Innlendismálaráðnum mótmæli móti samanseting av setanarbólkinum, sum skal gera tilmæli til landsstýriskvinnuna um setan av størvunum sum forstjóri á Sjúkrahúsverk Føroya, sum stjóri á Klaksvikar Sjúkrahúsi og stjóri á Suðuroyar Sjúkrahúsi. Eftir samrøður millum partarnar er…

Myndir

Myndinar frá aðalfundinum 2019 eru lagdar út.

Yvirlýsing

Yvirlýsing Um 300 sjúkrarøktarfrøðingar vóru samlaðir á Hotel Føroyum í dag til aðalfund hjá Felagnum Føroyskir Sjúkrarøktarfrøðingar. Aðalfundurin er samdur um at átala hugburð og framferð hjá politiska myndugleikanum og fyrisitingini mótvegis fakligu leiðsluni, sum er neyðug fyri at leiða heilsuverkið og eldraøkið. Nú álit um framtíðar heilsuverk er skrivað, og nýggj leiðsla sett, vóru…

Ársins álitisumboð 2019

Uppgávan sum álitisumboð er avbjóðandi, mennandi og spennandi. Felagið Føroyskir Sjúkrarøktarfrøðingar setur sera stóran prís á tað stóra arbeiðið og tað ágrýtnið, sum okkara álitisumboð hvønn dag útinna úti á deildunum. Tí gleðast vit yvir at kunna heiðra ársins álitisumboð í dag. Jeanne Waagstein hevur ikki verið okkara álitsumboð leingi, men hevur verðuliga megna hesa…

Ársins Sjúkrarøktarfrøðingur 2019

Aftur í ár velja vit ársins sjúkrarøktarfrøðing. Tað er gleðiligt at sanna, hvussu nógv uppskot eru innkomin til ársins sjúkrarøktarfrøðing, tí tað vísir í síni heild, hvussu fakliga sterkar vit eru – tað er serstakliga gott, at vit duga at gleðast um okkara starvsfelaga, og at vit tora at seta orð á tær sterku fakligu…

Onki kampval um nevndarsessirnar í Felagnum Føroyskir Sjúkrarøktarfrøðingar

Tá uppstillingarfreistin til nevndina í Felagnum Føroyskir Sjúkrarøktarfrøðingum var úti 1. februar, høvdu tveir limir bjóða seg fram. Nevndarlimirnir Teresa Damgaard-Jarnfoss og Ása Samuelsen stóðu fyri vali, og báðar ynsktu afturval. Av tí at bert tveir nevndarlimir standa fyri vali á hesum sinni verður einki nevndarval. Felagið Føroyskir Sjúkrarøktarfrøðingar unskir Teresu og Ásu hjartaliga tillukku…

Stakskeið á Setrinum

Á várið 2019 bjóðar deildin fyri Heilsu og Sjúkrarøktarvísund á Setrinum eitt stakskeið á masterstøði við heitinum “Sálarlig heilsa í samfelagshøpi”. Skeiðið  telur 7,5 ECTS kostar 2.500,00kr. og byrjar 8. apríl. Kunning um skeiðið kann lesast her

Normering

Nýggjasta útgávan av “Sygeplejersken”, fakblaðið hjá DSR, viðgerð evnið “normering”. Blaðið viðgerð evni “normering” út frá fleiri sjónarhornum. Hesi sjónarhorn eru eisini sera viðkomani fyri sjúkrarøktarfrøðingar í Føroyum. “Sygeplejersken” kann lesast her

Nevndarval

Í mars mánað 2019 verður val til nevndina í Felagnum Føroyskum Sjúkrarøktarfrøðingar. Til nevndina, sum telur 5 limir, skulu veljast tveir nevndarlimir og tveir tiltakslimir. Nevndarlimir eru valdir fyri 4 ár og tiltakslimir eru valdir fyri 2 ár. Sambært viðtøkum felagsins eru allir virknir limir valbærir. Uppstillingin skal verða skrivlig, og verða latin skrivstovu felagsins…

Developing Dialogue

Nevndin í felagnum Føroyskir Psykiatriskir Sjúkrarøktarfrøðingar vil hervið bjóða til norðurlendsku ráðstevnuna, við heitinum ”Developing Dialogue”, sum verður hildin í Føroyum tann 19. – 21. septembur 2019. Ráðstevnan snýr seg um dygdargóðar hættir og nýggjar fatanir innan sálarheilsu, umsorgan og psykiatri. Ráðstevnan fevnir breitt, við denti á at inndraga brúkarar og avvarðandi, fysisk heilsa innan psykiatriska…

Gleðilig Jól og gott Nýggjár

Felagið Føroyskir Sjúkrarøktarfrøðingar ynskir øllum limum við familju, sáttmálapørtum og samstarvsfeløgnum eini Gleðilig Jól og Gott Nýggjár. Skrivstova felagsins er stong millum Jól og Nýggjár. Opið verður aftur sum vanligt 3. januar 2019

Stuðulsskriv til Ljósmøðrafelag Føroya

Fakfelagssamstarvið vil við hesum vísa sín treytaleysa stuðul til Ljósmøðrafelag Føroya í stríði teirra at fáa nýggjan sáttmála. Semja finst bert, um partarnir seta seg saman fyri at finna eina felags loysn, tí vilja vit heita á lønardeildina hjá Fíggjarmálaráðnum um at vísa samráðingarvilja og aftur at seta seg við samráðingarborðið saman við ljósmóðrafelagnum, tað…

Ph.d.-verja hjá Kristionnu L. Dam

Hósdagin 22. november kl 13 fer Kristianna Lund Dam at verja ph.d.ritgerð sína. Heiti á ritgerðini er “At navigere i en paradoksal tilværelse: En kvalitativ undersøgelse af barndommen og voksenlivet hos voksne børn, der er vokset op på Færøerne, sammen med forældre ramt af svær psykisk sygdom”. Høvuðsvegleiðari hennara er Elisabeth O. C. Hall, RNT, MScN,…

Jólahugni hjá FPS

Lesið innbjóðingina við at trýsta á leinki. Jólahugni hjá FPS desember 2018

Ráðstevnan “Tað lønar seg” 04. – 05. oktober 2018

Nú eru 4 vikur til ráðstevnuna “Tað lønar seg” 4.-5. oktober, og elektronisk tilmelding liggur á heimasíðu okkara. Har skulu tit eisini krossa av, um tit koma til døgurðan hóskvøldið 4. oktober kl 19.00. Lesið skránna her Samstundis, sum tit melda tykkum til ráðstevnuna, kunnu tit melda tykkum til filmin um sjúkrarøkt (endaligt heitið kemur),…

Nursing Now Nordic

Íløga í sjúkrarøktarfrøðingar viðførir betri heilsu og sparir samfelagnum pening

Tær seks forkvinnurnar í teimum norðurlendsku sjúkrarøktarfrøðisfeløgunum standa aftanfyri “Nursing Now Nordic”. Hygg hvat tær hava at siga á hesum videoklippinum. Nursing Now Nordic ”Nursing Now Nordic” er svarið frá sjúkrarøktarfrøðisfeløgunum í Norðanlondum uppá altjóða átakið ”Nursing Now”, har endamálið er at  gera politikkarar varuðugar við týdningin av at gera íløgu í sjúkrarøktarfrøðingar. Á norðurlendsku sjúkrarøktarfrøðisráðstevnuni,…

Brellbitin

Her er enn ein brellbiti í samband við ráðstevnuna “Tað lønar seg” Ráðstevnan verður hildin í samband við at Felagið Føroyskir Sjúkrarøktarfrøðingar verður 30 ár 1. oktober. Tað er ongin yvirskipað lógaráseting fyri sjúkrarøktini í Føroyum.Tað leiðir til spurningin um, hvat politiska skipanin ynskir av sjúkrarøktini, sum er so stórur partur av heilsuskipanini í Føroyum.…

Álitisumboðsval

Álitisumboðsval stendur fyri durum, og hevur tú hug at gera tína ávirkan og økja um tína vitan innan fakfelagsarbeiði, er møguleiki til tað nú Álitisumboð fáa høvi at læra um álitisumboðsvirksemi, sáttmálan, lógir, sáttmálasamráðingar v.m.. Við øktari vitan økist eisini áhugin fyri arbeiðinum. Álitisumboðið er knýtt at ávísum arbeiðsplássi og hevur beinleiðis samband við Felagið…

Professari Jack Needleman kemur til Føroyar

Professari Jack Needleman Á ráðstevnuni “Tað lønar seg”, sum verður í sambandi við 30 ára dagin hjá FFS, fer professarin Jack Needleman, hvørs arbeiði innan fólka heilsu, bæði menniskjaliga, peningaliga og polittiskt, hevur ført hann víða um, og nú eisini til Føroyar. Hann granskar í, hvussu broytingar í almennum politikki ávirka dygd og atkomuligheit  til…

Síðsti stuttfilmurin er nú tøkur

Nú er fjórði og seinasti stuttfilmur okkara, “Sjúka kvinnan”  tøkur á portalinum, á youtube, á heimasíðu okkara og á facebook. Ynskiligt er, at filmurin verður deildur, so hann røkkur so víða um, sum gjørligt. Fyri at finna filmin á youtube, skulu tit leita eftir “Sjúka kvinnan”. Til ber eisini at googla “Tíð til tín”, fyri…

Ráðstevnan – Tað lønar seg

Í samband við at Felagið Føroyskir Sjúkrarøktarfrøðingar hevur 30 ár á baki tann 1. oktober 2018, verður  í døgunum 4 og 5 oktober skipað fyri ráðstevnu undir heitinum “Tað lønar seg”. Á ráðstevnuni fara vit at hoyra um gransking, ið staðfestir, hvussu íløgur í sjúkrarøkt løna seg fólkaheilsuliga og samstundis eisini búskaparliga. Millum evnini eru,…

Prógvhandan í Norðurlandahúsinum

Norðurlandahúsið var ramma um nemandi løtuna, tá nýklaktu sjúkrarøktarfrøðingarnar í dag fingu handað prógv. Tilsamans  vóru tað umleið 100 nýútbúgvnir føroyingar, sum í dag fingu prógv eftir loknan lestur á Setrinum. Sigurð í Jákupsstovu, rektari, beyð vælkomin og tosaði um týdningin av at hava eitt nærgranskingarøkið á altjóða støði. Eisini tosaði hann um týdningin av,…

Nýklaktir sjúkrarøktarfrøðingar í Kongshøll

Tað var ein hátíðarlig stund í rúmligu og ljósu Kongshøll í dag, har nýggir sjúkrarøktarfrøðingar (SRF) sýndu framm “posters” frá gransking síni, í samband við endaligu royndirnar í bachelor í sjúkrarøktarfrøði. Granskingarøkini vóru sera ymisk, sjúkrarøkt til palliativar krabbameinssjúklingar, markið millum lív og deyða, um hugburð til sjúkrarøkt til misbrúkarir, og sjúkrarøkt til psoriases sjúklingar.…

Tíðin

Felagið Føroyskir Sjúkrarøktarfrøðingar 30 ár

1. oktober 2018 eru 30 ár liðin, síðan Felagið Føroyskir Sjúkrarøktarfrøðingar (FFS), var stovnað. Frammanundan høvdu føroyskir sjúkrarøktarfrøðingar, ið tá kallaðust sjúkrasystrar, haft limaskap í danska fakfelagnum, Dansk Sygeplejeråd (DSR). Føroysku sjúkrasystrarnar høvdu limaskap í egnari deild hjá DSR, ið nevndist DSR Føroya Deild, sum bygdi á eitt samstarv, ið byrjaði fyri nærum 100 árum…

Melda teg til at fáa tíðindabræv frá felagnum

Limirnir hava møguleikan at fáa sendandi tíðindabræv frá Felagnum Føroyskir Sjúkrarøktarfrøðingar. Talan er um boð ella tíðindi frá nevndini. Teknið tykkum til at fáa tíðindabrøvini sendandi við at útfylla teigarnar niðast til høgru á forsíðini. Ikki ber til at tekna seg á hesum tíðindastubba. Ivast tit í onkrum, ber til at ringja ella senda teldupost…

Fakligur samleiki

Temadagar KUNDI TÚ HUGSA TÆR: -Altíð at vita hvat tú skalt siga, tá onkur spyr teg, hvat tað er, sum ger sjúkrarøktarfrøði til nakað serligt? -Ongantíð at ivast í hvat tú dugir – og duga at seta orð á tað? -At duga at greiða frá, hvat ”ósøgd vitan/tavs viden” er, og seta orð á hana?…

Limafundur á Seglloftinum á Tvøroyri

Limafundur um Whistleblowing mán. 7. mai. kl. 19.00 – 21.30 Sjúkrarøktaretiska Ráðið hevur saman við Felagnum Føroyskir Sjúkrarøktarfrøðingum ein áhugaverdan limafund har evni Whisleblowing verður sett á breddan. Jógvan D. Hansen fer at hava ein fyrilestur um evnið og  síðan verða dømir tikin upp til kjak. Lógaruppskot er sent til hoyringar um júst hetta evnið, og er…

Svar til Eyðgunn Samuelsen

Á heimasíðu Javnarfloksins (j.fo) hevur landstýriskvinnan í almannamálum, Eyðgunn Samuelsen, aftursvar til grein hjá Felagnum Føroyskir Sjúkrarøktarfrøðingar, sum snýr seg um mismunin, ið verður gjørdur á pensjónistum, vegna sokallaðu mótrokningarreglunum. Í svarinum stendur millum annað, at “…sjúkrarøktarfrøðingar hava valt, at pensjón teirra skal útgjaldast sum lívrenta, og tí óttast tey fyri, at við broyttu mótrokningini…

Pensjónsnýskipanin lønar spekulatión og ger mismun á føroyingum

Pensjónsnýskipanin, ið hevur verið ávegis í longri tíð, er nú samtykt við aðru viðgerð. Sum ætlanirnar í nýskipanini eru lagdar fram av avvarandi landsstýriskvinnum, er hetta eitt frambrot fyri føroyska fólkapensjónistin. Hetta er tó ein sannleiki, við stórum avmarkingum. Verandi pensjónsskipan er, av sonnum sett soleiðis saman, at hon lønar spekulatión og ger stóran mismum…

Felagið Føroyskir Sjúkrarøktarfrøðingar stuðlar DSR

Mikudagin 11. apríl og hósdagin 12. apríl hevur danski semingsstovnurin innkallað samráðingaleiðarnar fyri donsku regióninar og kommununar til fundar. Endamálið er sjálvsagt at greiða tær fløkjur, sum hava stungið seg upp í samband við sáttmálasamráðinganar OK18, tí vandin fyri verkfalli og verkbanni nærkast í hvørjum. Áðrenn hesar samráðnganar byrjaðu, hava donsku fakfeløgini tikið hvønn annan…

Avtala við Komunala Arbeiðsgevarafelagið undirskrivað

Avtala er í dag gjørd millum Kommunala Arbeiðsgevarafelagið og Felagið Føroyskar Sjúkrarøktarfrøðingar. Høvuðspunktini í avtaluni eru, at: sjúkrarøktarfrøðingar, ið starvast á kommunala sáttmálaøkinum, til eina og hvørja tíð fylgja galdandi sáttmála millum Fíggjarmálaráðið og Felagið Føroyskar Sjúkrarøktarfrøðingar. øll størv og flokkingar, sum bara eru á kommunala sáttmálaøkinum viðgerða partarnir og taka avgerð um. Avtalan fær…

Myndir frá aðalfundinum

Myndirnar frá aðalfundinum 2018 eru loksins lagdar á heimasíðina. Finnið myndirnar í myndasavninum.

Yvirlýsing: Tað lønar seg!

Felagið Føroyskir Sjúkrarøktarfrøðingar hevði aðalfund leygardagin Aðalfundurin kemur við soljóðandi yvirlýsing: Tað lønar seg! Tíðin er komin til, at landsins myndugleikar síggja virðið í at seta fleiri sjúkrarøktarfrøðingar í starv. Hetta lønar seg bæði innan fyribyrging, í røktini og á leiðslustøði. Við at seta fleiri sjúkrarøktarfrøðingar í starv vilt tú við fyribyrging og viðgerð bøta…

Aðalfundur hjá FÁG 4

Aðalfundur hjá FÁG4 týsdagin 10. apríl 2018 kl. 18 Stað: Høli felagsins í Lucas Debesargøtu 14. Uppskot til aðalfundin skulu vera nevndini í hendi í seinasta lagi 2. apríl. Aftaná aðalfundin fer Jónvør Christiansen at umrøða: “Avanseraða kliniska geriatriska sjúkrarøkt” og ”Tørv á avanseraðari kliniskari sjúkrarøkt í norðurlondum sæð út frá sjónarhorni hjá sjúkrarøktarleiðarum” Seinna…

Àrsins Álitisumboð 2018

Óluva hevur verið álitisfólk í fleiri ár. Fyrst umboðandi sítt arbeiðsøki og nú eisini sum felagsálitisfólk fyri Landssjúkrahúsið. Óluva er altíð væl fyrireikað. Fær hon ein fyrispurning frá starvsfeløgum, kannar hon málið og svarar ikki, fyrr enn hon hevur greitt svar út frá sáttmálanum ella siðvenju. Óluva ger eitt stórt arbeiði og er álitisvekjandi og…

Ársins sjúkrarøktarfrøðingur 2018

Ársins sjúkrarøktarfrøðingur 2018 Ársins sjúkrarøktarfrøðingur hevur megnað at miðla sjúkrarøktarfakið soleiðis, at borgarin hevur fingið eina størri fatan av og virðing fyri fakinum. Hon hevur verið við til at varpa ljós á týdningin av at veita dygdargóða sjúkrarøkt. Ársins sjúkrarøktarfrøðingur hevur givið íblástur til sjúkrarøktarfrøðingar, lesandi og føroyska samfelagið. Hon hevur verið ein fyrimynd fyri…

50 ára hátíðarhald

Í dag hittust 10 kvinnur á Hotel Føroyum. Høvið til tess var at hátíðarhalda, at tað júst eru 50 ár síðan, tær blivu útlærdar sum sjúkrarøktarfrøðingar. Tað var 29. februar 1968, at tær fingu prógv sum sjúkrasystrar, sum tað tá kallaðist, frá Sjúkrasystraskúla Føroya. Frá vinstru: Erna Olsen, Bjørg Joensen, Jonelisa Rasmussen, Elsebeth Klakkstein, Jona…

Verkætlan FFS 30 ár

Verkætlan FFS 30 ár Kæru sjúkrarøktarfrøðingar. Ætlanin við hesum bloggi er, at allir limirnir í FFS skulu hava møguleika til at fylgja gongdini í verkætlanarstarvinum, tí sum  Óluva í Gong, forkvinna okkara sigur, er hetta  okkara verkætlan. Bloggurin verður lagdur á heimasíðu okkara, og deildur út á fb bólkin. Her kunnu viðmerkingar og annað skrivast.…

Spennandi ráðstevna fyri leiðandi sjúkrarøktarfrøðingar

Spennandi ráðstevna fyri leiðandi sjúkrarøktarfrøðingar. Ledernes Netverk i Norden, LNN,  fyriskipa ráðstevnuna, sum hesaferð verður í Keypmannahavn. Yvirskriftin er “Networks in Leadership – creating and using” og verður ráðstevnan í døgunum 14 – 16. Mai 2018. Lesið meira um ráðstevnuna her

Safe Settings

Kunning um ráðstevnuna “Safe Settings” Ráðstevnan “Safe Settings”  verður hildin í Føroyum í døgunum 10 – 12 mai 2018. Ráðstevnan verður fyriskipað af felagnum Føroyskir psykiatriskir sjúkrarøkarfrøðingar í samstarvi við Horatio, ið er felagsskapur fyri Evropeiskar psykiatriskar sjúkrarøktarfrøðingar. Safe Settings vísir til fyribrygdi “tryggir karmar”, ið  er ein fjøltáttað tilgongd.  Á ráðstevnuni  verður millum annað…

Aðalfundurin verður 10. mars!

Av misgávum stendur í jólabrævinum, sum var sent limunum, at aðalfundurin í ár verður 17. mars. Hetta er ikki so, aðalfundurin verður á Hotel Føroyum 10. mars kl 14. Skrá og nærri lýsing um aðalfund og eftirfylgjandi døgurða, verður at finna í komandi Vøku og her á heimasíðuni seinni. Uppskot, sum skulu viðgerðast á aðalfundinum, skulu…

Samhugaverkfallið avlýst

Nú tað eydnaðist Føroya Pedagogfelag at gera sáttmála við Fíggjarmálaráðið og Kommunala Arbeiðsgevarafelagið, er 24 tíma samhugaverkfallið avlýst.

Samhugaarbeiðssteðgur lýstur!

Soljóðandi skriv er í dag handa lønardeildini í Fíggjarmálaráðnum: Vísandi til avtalu frá 1. juli 2014 millum Fíggjarmálaráðið og Felagið Føroyskar Sjúkrarøktarfrøðingar um fráboðanarform og fráboðanarfreist undan arbeiðssteðgi, herundir eisini  samhugaarbeiðssteðg, verður hervið boðað frá samhugaarbeiðssteðgi fyri allar sjúkrarøktarfrøðingar sum starvast hjá Almannaverkinum galdandi frá mánamorgni 15. januar 2018 kl. 07:00 til 16. januar 2018…

Kunning

Nú lønarútgjaldið fyri december er farið ígjøgnum, hava nakrir limir vent sær til felagið og kunnað um, at teir eru farnir niður í løn. Hetta eigur sjálvsagt ikki at koma fyri. Semjan ásetur heilt greitt at: “Allir sjúkrarøktarfrøðingar flyta í nýggja lønarstigan nærmast yvir og uttan lønarmiss”. Felagið vil tí heita á limir sum standa…

Kunning til limirnar viðvíkjandi verkfalsraktum arbeiði

Í samband við verkfallið hjá Føroya Pedagogfelag hevur leiðslan í Almannaverkinum gjørt vegleiðing um, hvussu arbeiðið kann skipast. Hendan vegleiðing er ikki í tráð við sáttmálar ella galdandi reglur fyri arbeiði, sum er rakt av verkfalli. Heilsuhjálparafelagi Føroya, Heilsurøktarafelagið og Felagið Føroyskir Sjúkrarøktarfrøðingar hava í felag sent skriv til Almannaverkið og Fíggjarmálaráðið har vit hava…

Kunning

Nógvir limir ringja til okkara nú pedagogfelagið hevur lýst verkfall á Almannaøkinum. Teir kunna felagið um, at vaktir verða broyttar, og teir føla seg pressaðir at átaka sær verkfallsrakt arbeiði Felagið Føroyskir Sjúkrarøktarfrøðingar hevur noktað limum sínum at upptaka verkfallsrakt arbeiði. Hetta inniber, at limir bert kunnu arbeiða tær vaktir teir eru settir til áðrenn…

Stuðulsyvirlýsing

Felagið Føroyskir sjúkrarøktarfrøðingar lýsir hervið sín stuðul til Føroya Pedagogfelag í teirra stríði fyri, at fáa betri sømdir til limir sínar. Semja finst bert, um partarnir seta seg saman fyri at finna eina felags loysn, tí vilja vit heita á partanar um at seta seg aftur við samráðingarborðið. Tað er har, ið loysnin eigur at…

Vit seta ikki lív í vanda

Jan Mortensen, stjóri á lønardeildini í Fíggjarmálaráðnum, ákærdi í tíðindunum í Kringvarpinum Felagið føroyskir sjúkrarøktarfrøðingar fyri at seta lív í vanda. Hetta er ein sera grov ákæra, ið ikki kann góðtakast. Tað er væl skiljandi, at Jan Mortensen er eitt sindur stúrin, tí at samráðingur við námsfrøðingarnar ikki ganga eftir vild. Men vit frábiðja okkum…

Limafundur

Kunnandi limafundur um semjuna verður á  Seglloftinum á Tvøroyri 4. december kl 15.30.

Limafundur

Kunnandi limafundur  um semjuna verður á Parnassinum týsdagin 28. november kl 16:00

Her er semjan

Nevndin í Felagnum Føroyskir Sjúkrarøktarfrøðingar hevur í dag undirskrivað semju við Fíggjarmálaráðið. Lesið semjuna her Sjá nýggju lønartalvuna her

Semingsuppskot góðtikið

Nevndin í Felagnum Føroyskir Sjúkrarøktarfrøðingar hevur fingið fyrilagt eitt semingsuppskot, sum nevndin einmælt hevur samtykt at góðtaka. Hettar viðførir, at allir limir, sum eru í arbeiðsstegði, fara aftur til arbeiðis beinanvegin og annars eftir ætlan.

Nú er nóg mikið!

Fíggjarmálaráðharrin ákærir sjúkrarøktarfrøðingar fyri at seta lív í váða við at víðka arbeiðssteðgin týsdagin. Hetta vísir heilt greitt, at Fíggjarmálaráðið als ikki skilir, hvussu álvarsom støðan hjá sjúklingunum longu er. Vit kunnu ikki longur standa og hyggja at, meðan arbeiðssteðgurin rakar sjúklingin. At víðka arbeiðssteðgin kann vónandi fáa Fíggjarmálaráðið at skilja álvaran. Fíggjarmálaharrin dugir væl…

Víðkaður arbeiðssteðgur!

Soljóðandi skriv er handað stjóranum á lønardeildini í kvøld: Vísandi til avtalu frá 1. juli 2014 millum Fíggjarmálaráðið og Felagið Føroyskar Sjúkrarøktarfrøðingar um fráboðanarform og fráboðanarfreist undan arbeiðssteðgi, verður hervið boða frá víðkaðum arbeiðssteðgi galdandi fyri: Allar limir felagsins, ið starvast á Landssjúkrahúsinum, Klaksvíkar Sjúkrahúsi og Suðuroyar Sjúkrahúsi. Øll undantaksloyvir, ið eru játtaði til  Landssjúkrahúsið,…

Víðkaði arbeiðssteðgurin á B6 er fyribils útsettur!

Felagið Føroyskir Sjúkrarøktarfrøðingar hevur seinnapartin í dag verið á fundi við Semingsstovnin og Fíggjarmálaráðið. Partarnir komu ásamt um at royna eina nýggja semingsroynd, sum byrjar í morgin ári kl 09:00. Við virðing fyri semingsroyndini hevur nevndin í Felagnum Føroyskir Sjúkrarøktarfrøðingar tikið avgerð um at útseta fráboðaðu víðkanina av arbeiðsstegðinum, sum umfatar B6 á Landssjúkrahúsinum,og sum…

Stuðulsyvirlýsing frá íslendingum

Aftur í dag er stuðulskriv sent Felagnum Føroyskir Sjúkrarøktarfrøðingar. Skrivið hesuferð er frá systirfelagnum í Íslandi, Félags íslenskra hjúkrunarfræðinga. Les her á íslenskum Les her á enskum

Undir alt lágmark!

Vit standa spyrjandi eftir seinasta útspælið frá Fíggjarmálaráðnum. Tølini, ið tey borðreiða við, eru langt frá tølunum, ið okkara limir síggja á lønarseðlunum. Vit afturvísa staðiliga hesi tøl. Tað er undir alt lágmark, støðugt at royna at grugga við villeiðandi tølum. Hetta er óvirðiligt og minnir um lótir, ið vit hava sæð í amerikanskum politikki…

Stuðul frá norsku sjúkrarøktarfrøðingunum

Óluva í Gong, forkvinna, hevur í dag fingið stuðulsskriv frá norska systirfelagnum, Norsk Sykepleieforbund. Les skrivið her

Víðkaður arbeiðssteðgur!

Soljóðandi skriv er handað stjóranum á lønardeildini í dag Vísandi til avtalu frá 1. juli 2014 millum Fíggjarmálaráðið og Felagið Føroyskar Sjúkrarøktarfrøðingar um fráboðanarform og fráboðanarfreist undan arbeiðssteðgi, verður hervið boða frá víðkaðum arbeiðssteðgi galdandi fyri: Allar sjúkrarøktarfrøðingar, ið arbeiða á B6 á Landssjúkrahúsinum. Galdandi frá hósmorgni 16. november 2017 kl 07:00.

Hvar er viljin til at samráðast?

Tað eru ikki samráðingar, tá Fíggjarmálaráðið hevur avgjørt frammanundan, hvat lønin skal verða, og noktar at flyta seg ein tumma. Hetta er brot á fría samráðingarrættin. Einki fakfelag kann góðtaka, at Fíggjarmálarráðið ikki virðir hendan rættin. Fíggjarmálaráðið tykist sera áhugað í at samráðast í miðlunum og borðreiðir við tølum av alskyns slag. Hendan fløkja av tølum…

Fíggjarmálaráðið virðir ikki samráðingarrættin

Í dag hevur Felagið Føroyskir Sjúkrarøktarfrøðingar hitt semingsmannin. Enn sum áður eru vit sinnaði at fara aftur til samráðingarborðið, um Fíggjarmálaráðið sleppur ófrávíkiliga kravinum, um ikki at samráðast um lønarkarmin. Tíverri máttu vit staðfesta, at Fíggjarmálaráðið støðugt avvísur samráðingar. Seinastu dagarnar hevur Fíggjamálaráðið ferð eftir ferð boðað frá, at karmurin hjá Starvsmannafelagnum er ófrávíkiligur, tí…

Víðkaður arbeiðssteðgur!

Soljóðandi skriv er handað stjóranum á lønardeildini í dag Vísandi til avtalu frá 1. juli 2014 millum Fíggjarmálaráðið og Felagið Føroyskar Sjúkrarøktarfrøðingar um fráboðanarform og fráboðanarfreist undan arbeiðssteðgi, verður hervið boða frá víðkaðum arbeiðssteðgi galdandi fyri: Allar sjúkrarøktarfrøðingar, ið arbeiða á songjardeildini á Klaksvíkar Sjúkrahúsi Allar sjúkrarøktarfrøðingar, ið arbeiða á G4 á Landssjúkrahúsinum. Galdandi frá…

Samráðingar krevja vilja at flyta seg

Bæði Kristina Háfoss og stjórin á lønardeildini, Jan Mortensen, halda fast í, at karmurin hjá Starvsmannafelagnum er ófrávíkiligur. Samstundis sigur fíggjarmálaráðharrin frá tingsins røðarapalli, at tey hava víst vilja at flyta seg. Hetta er ein andsøgn – antin vilt tú flyta teg, ella heldur tú fast í karminum. Støðan hjá Felagnum Føroyskir Sjúkrarøktarfrøðingar er púra…

Stuðul frá donsku sjúkrarøktarfrøðingunum

Felagið Føroyskir Sjúkrarøktarfrøðingar hevur í dag fingið stuðulsskriv frá Grete Christensen, forkvinnu í Dansk Sygeplejeråd. Les skrivið her

Vit vilja rætta skeivleikan

Felagið Føroyskir Sjúkrafrøðingar fegnast um, at Fíggjarmálaráðið nú ynskir at lata upp fyri samráðingum. Vit vóna tó, at talan er um veruligar samráðingar. Higartil hevur Fíggjarmálaráðið als ikki viljað flutt seg eina krónu, og tá hevur einki verið at samráðast um. Vit vóna, at útmeldingin í morgun merkir, at støðan er broytt og gleða okkum…

Vit ynskja semju

Í tíðindunum í Kringvarpinum í gjár vísti stjórin á Lønardeildini í Fíggjarmálaráðnum á, at Felagið Føroyskir Sjúkrarøktarfrøðingar ikki var semjusøkjandi, at vit vildu hava alt ella einki. Hetta er sera fjart frá veruligu støðuni. Vit vildu heldur enn fegin sloppið undan arbeiðssteðgi, og tað visti Fíggjarmálaráðið eisini, tá tey rýmdu av semingsfundinum fríggjakvøldið. Vit fóru…

Sjúkrarøktarfrøðingarnir fingu viðhald

Felagið Føroyskir Sjúkrarøktarfrøðingar fegnast um, at Fasti Gerðarætturin gav okkum viðhald, og vísti á, at hóast Fíggjarmálaráðið ferð eftir ferð hevur kallað okkara arbeiðssteðg óheimilaðan, so er rætturin á okkaru síðu.

Kunnandi fundur

Felagið Føroyskir Sjúkrarøktarfrøðingar hevur í dag havt kunnandi fund um støðuna nú arbeiðssteðgur er byrjaður. Álitisumboðini fingu kunning um gongdina í málinum, og hvørjar ætlanir eru fyri næstu dagarnir. Tað kom týðuliga fram, at álitisumboðini taka undir við avgerðini hjá nevndini um, at skeivleikin skal rættast í lønarlagnum í mun til aðrar fakbólkar við somu…

Víðkaður arbeiðssteðgur!

Soljóðandi skriv bleiv handað stjóranum á lønardeildini fríggjakvøldið aftaná at Terje Sigurðsson, semingsmaður, endaði semingsroyndina ímillum Felagið Føroyskir Sjúkrarøktarfrøðingar og FMR. Vísandi til avtalu frá 1. juli 2014 millum Fíggjarmálaráðið og Felagið Føroyskir Sjúkrarøktarfrøðingar um fráboðanarform og fráboðanarfreist undan arbeiðssteðgi, verður hervið boðað frá víðkaðum arbeiðssteðgi galdandi fyri: ·        Sjúkrarøktarfakligar varastjórar á Klaksvíkar Sjúkrahúsi, Suðuroyar…

Rættið skeivleikan!

Eingin ynskir arbeiðssteðg, og als ikki vit. Vit hava enn einaferð roynt at fingið ordiligar samráðingar við Fíggjarmálaráðið, men tíverri vísa tey ongan veruligan áhuga í at viðgera tey krøv, sum hava týdning fyri okkum. Hetta kunnu vit ikki góðtaka, og hava tí einki annað val enn at fara í arbeiðssteðg. Okkara limir fáa munandi…

Arbeiðssteðgur

Klokkan 19.00 í kvøld gavst Terje Sigurðsson, semingsmaður, við royndini at finna semju ímillum Felagið Føroyskir Sjúkrarøktarfrøðingar og Fíggjarmálaráðið. Tað vil siga, at arbeiðssteðgurin, sum áður er fráboðaður, nú er settur í gildi. Arbeiðssteðgurin, sum kemur í gildi beinanvegin, er galdandi fyri allar narkosusjúkrarøktarfrøðingarnar á Landssjúkrahúsinum, Klaksvíkar Sjúkrahúsi og Suðuroyar Sjúkrahúsi.

Undirvísing og almennur fyrilestur um, tá krabbamein ávirkar kynslívið

Mikudagin 15. november skipar Krabbameinsfelagið fyri undirvísing og  almennum fyrilestri um, tá krabbamein ávirkar kynslívið Bæði sjúka og viðgerð av krabbameini kunnu geva sálarlig og kropslig árin, sum ávirka kynslívið. Hvørjir møguleikar eru fyri at viðgerða kynsligar trupulleikar í samband við sjúku og viðgerð av krabbameini?. Og hvussu kunnu heilsustarvsfólk ráðgeva í truplum spurningum um kynslív?…

Lønarsamráðingarnar hjá sjúkrarøktarfrøðingunum er stríð fyri løn í mun til útbúgving

Í nógv ár hava sjúkrarøktarfrøðingar strembað eftir javnsettum lønarviðurskiftum við aðrar fakbólkar á sama útbúgvingarstøði, uttan at hetta hevur eydnast. Um sjúkrarøktarfrøðingar skulu fáa løn, ið er ájavnt fakbólkum á sama útbúgvingarstøði, skal tað í núverandi samráðingum gerast eitt stórt lop í lønarvøkstrinum. Verður ikki ein munandi lønarvøkstur við hesar samráðingarnar, er vandi fyri stórum…

Kunning til limirnar!

Í samband við lýsta arbeiðssteðgin hjá narkosusjúkrarøktarfrøðingunum á LS, KS og SS at byrja mánamorgunin 30/10-17 kl. 08.00, vilja vit hervið kunna okkara limir um fylgjandi: Fíggjarmálaráðið hevur boðsent semingsstovninum. Fundur hevur verið millum nevndina og semingsmenninar í dag, har semingsstovnurin hevur valt at útseta lýsta arbeiðssteðgin við heimild í Semingslógini grein 10. Til tykkara…

Boðað er frá arbeiðssteðgi!

Sum kunnugt gekk sáttmálin út 1. oktober. Nevndin í Felagnum Føroyskir Sjúkrarøktarfrøðingar hevur verið til fleiri samráðingarfundir við lønardeildina í Fíggjarmálaráðnum, tó uttan úrslit. ” Lønardeildin tykist ikki áhuga í, at fara í veruligar samráðingar. Tí sóu vit ongan annan møguleika enn at lýsa arbeiðssteðg.” sigur Óluva í Gong, forkvinna, í stuttari viðmerking. Í fyrstu…

Sjúkrarøktarfrøðingur fær viðhald frá Umboðsmanninum

Almennir arbeiðsgevarar skulu ikki havast at, tá starvsfólk nýta sítt talufrælsi Danski sjúkrarøktarfrøðingurin Lise Muller varð av leiðsluni innkallað til fund, eftir at hon hevði skrivað eina støðufráboðan á sinum facebook vanga. Í støðufráboðanini skrivaði Lise um sína ørkymlan um bygnaðarbroytingar og uppsagnir í heimatænastuni, har hon starvaðist. Innkallingin til fundin kom bert 13 minuttir…

Politikkur uttan etikk setur menniskjavirði í vanda

Hetta er yvirskriftin á einum bloggi, sum forkvinnan í Sjúkrarøktaretiska Ráðnum í Norra, Elisabeth S. Kjølsrud, skrivaði, eftir sjúkrarøktaretisku ráðstevnuni sum var í Føroyum í september. Heitið á yvirskriftini hevur hon frá Sirið Stenberg, landsstýriskvinnu í heilsumálum, sum setti ráðstevnuna. Les bloggin her

Gransking innan sjúkrarøktarfrøðina alneyðug

Í dag týsdagin og mikudagin er ráðstevna á Hotel Føroyum. Tey luttakandi eru umboð fyri norðurlendsku fakfeløgini, granskarar og leiðslur innan bæði eldra- og sjúkrahúsøkið úr øllum Norðanlondum. Ráðstevnan snýr seg í høvuðsheitum um gransking innan sjúkrarøktina. Óluva í Gong forkvinna sigur, at tað er av stórum týdningi at tað alsamt verður granskað innan sjúkrarøktina…

Norðurlensku fakfeløgini hjá sjúkrarøktarfrøðingunum hittast í Føroyum

Stýrið fyri samstarvið hjá norðurlensku fakfeløgini hjá sjúkrarøktarfrøðingum hittust  til fund í dag í Havn. Samstarvið nevnist SSN – Sygepleje Samarbejde i Norden. Fundir eru tvær ferðir um árið, og skift verðir millum londini at hýsa fundunum. Óluva í Gong, forkvinna fyri Felagið Føroyskir Sjúkrarøktarfrøðingar, sigur, at tað er ógvuliga umráðandi at deila vitan og…

Vit varpa ljós á strongd

Limafundir kring landið Felagið Føroyskir Sjúkrarøktarfrøðingar fer nú undir eina limafundarrøð kring landið. Fundirnir verða skipaðir ymiskt frá stað til stað og hava ymiskar yvirskriftir. Felags fyri allar fundirnar verður tó at varpa ljós á, at strongd er skjótt vaksandi hjá starvsfólkum innan heilsuverkið, og at strongd skal takast í álvara. Fyrsti og annar fundur…

Norðurlensk ráðstevna fyri sjúkrarøktaretisku ráðini

Ráðstevna fyri norðurlensku sjúkrarøktaretisku ráðunum hevur júst verið hildin í Føroyum. Tað vóru limirnir í føroyska Sjúkrarøktaretiska Ráðnum, sum vóru vertir. Donsku luttakarnir vóru sera fegnir um ráðstevnuna og skriva soleiðis á heimasíðuni hjá DSR. Les greinina her

Nýtt starvsfólk á skrivstovu felagsins

Inga Foldbo Hjallnafoss er sett í starv sum roknskaparfólk/skrivari á felagnum frá 1. september 2017 Inga er kandidatur í virkisleiðslu, útbúgvin frá RUC í 2017, har hon tók serøki innan virkismenning. Inga hevur, umframt útbúgving innan roknskap, hollar arbeiðsroyndir innan tænastuvinnuni, sum skrivari og innan roknskap. Hon hevur eisini havt egið virkið. Felagið Føroyskir Sjúkrarøktarfrøðingar…

Hvat vilja vit við sjúkrarøktarfrøðini í Føroyum?

Hvat vilja vit við heilsuverkinum í Føroyum? Hesa útsøgnina hoyra vit viðhvørt á tingsins røðarapalli. Neyvan finst nakað eintýðugt svar annað enn, at helst vilja vit øll hava bestu viðgerð og hjálp – tá tørvur er á hesum. Líkamikið hvar ella hvørji vit eru, so kunnu vit øll koma í ta støðu, at vit ella…

Móttøka á Felagnum Føroyskir Sjúkrarøktarfrøðingar

í sambandi við at Hansa Christiansen fer frá fyri aldur, verður skipað fyri móttøku í hølum felagsins í Lucas Debesargøtu 14. Hansa hevur starvast sum skrivari og bókhaldari á Felagnum Føroyskir Sjúkrarøktarfrøðingar í samanlagt 24 ár. Móttøkan verður fríggjadagin 22. september frá kl 15-17 og øll eru hjartaliga vælkomin.

Yvir 40 sjúkrarøktarfrøðingar sleptir uppá fjall

Setrið avlýsir ískoytisútbúgvingina fyri 2017 Tað kom dátt við hjá teimum gott 40 sjúkrarøktarfrøðingunum, sum skuldi byrja ískoytisútbúgvingina í heyst, at fáa boðini um, at útbúgvingin ikki byrjar sum ætlað. Teldupostur kom frá Setrinum bert fáar vikur áðrenn byrjan. Hetta kann als ikki góðtakast, sigur Óluva í Gong, forkvinna hjá sjúkrarøktarfrøðingunum. Meginparturin av hesum sjúkrarøktarfrøðingum…

Fakfeløg átala Mentamálaráðið

Undirritaðu fakfeløg á almenna arbeiðsmarknaðinum mótmæla, at Mentamálaráðið setir fólk í tíðaravmarkað starv, uttan at lýsa størvini leys. Við hesum ger aðalráðið seg inn á landsins starvsfólkapolitikk, sum sigur at øll størv eiga at vera lýst leys alment. Komið er í ljósmála, at Mentamálaráðið hevur sett fólk í starv, uttan almenna lýsing. Grundgevingin er, at…

Lilian Dam sett sum verkætlanarleiðari

Fyrst í august byrjaði Lilian Dam sum verkætlanarleiðari á Felagnum Føroyskir Sjúkrarøktarfrøðingar. Lilian hevur drúgvar royndir úr fleiri greinum innan sjúkrarøktarfrøðina, bæði úr Føroyum og uttanlands. Eisini hevur Lilian í sínum yrki sum sjúkrarøktarfrøðingur støðugt ment seg við lestri. Lilian hevur seinastu tíðina lisið til kandidat í fólkaheilsuvísind í Danmark, har hon manglar at leggja…

17 nýklaktir sjúkrarøktarfrøðingar

Í dag hava nýggjastu sjúkrarøktarfrøðingarnir framlagt sínar bachelorritgerðir í Veitsluhøllini á Landssjúkrahúsinum. Aftaná var hátíðarhald við røðum og handan av nálum frá bæði Sjúkrarøktarfrøðisdeildini og Felagnum Føroyskir Sjúkrarøktarfrøðingar. Felagið ynskir okkara nýggjastu sjúkrarøktarfrøðinum hjartaliga til lukku og blíðan byr á teirra komandi yrkisleið.

Barsilsdeildini á Landssjúkrahúsinum tørvar samstarv – ikki klandur

Soleiðis sum ljósmøðurnar hava kært teirra viðurskifti á Landssjúkrahúsinum (LS) í fjølmiðlunum seinastu tíðina, kann almenningurin valla fáa aðra fatan, enn at eitt tað størsta arbeiðsplássi í landinum er eitt óliviligt klandurshol, har aðrir fakbólkar gera tað teir kunna fyri at pesta arbeiðsviðurskiftini hjá ljósmøðrunum. Almenningurin kann neyvan heldur fáa aðra fatan, enn at sjúkrarøktarfrøðingarnir…

Framløga av bachelorritgerðum

Framløga av bachelorritgerðum verður 21. Juni 2017  í Veitsluhøllini á Landssjúkrahúsinum frá kl.11– 13 Høvi verður at síggja postarar, har bachelorarnir lýsa tær verkætlanir, sum tey hava gjørt á Sjúkrarøktarfrøðideildini á Fróðskaparsetrinum í vár, og práta við tey um verkætlanirnar. Bæði lesandi á ískoytisútbúgvingini og lesandi á útbúgvingini eru umboðað. Verkætlanarevni eru: Ískoytisútbúgvingin 1. Regluligt samband…

Er illvilji eitt gott støðið at grunda sína leiðslu á?

Tíggju fakfeløg í føroyska sjúkrahúsverkinum skera út í papp, at teirra áhugamál er at vera til gagn fyri allar føroyingar, men at teir ikki sleppa at fremja sítt aðaláhugamál, tí ein minniluti situr við øllum avgerðarvaldinum á heilsufakliga virkseminum á Landssjúkrahúsinum. Hesin minnilutin forðar teimum í at útinna teirra fakliga virksemi. Tá ið heili tíggju…

Kritikkur er alneyðugur

Samfelagið hevur brúk fyri kritiskum røddum. Tær vísa á møguligar trupulleikar og her í norðurlondum hava vit dugað væl at útpeika trupulleikarnar og síðan rætta teir. Betur enn nógvar aðrar tjóðir, sigur Ramus Willig, sosiologur Sveinur Tróndarson, journalistur Aftaná ein rættiliga drúgvan, men sera áhugaverdan fyrilestur um, hvussu almenn arbeiðspláss hava broytt seg seinastu árini,…

Er tað ikki tær tað er galið við?

Danski sosiologurin og granskarin, Rasmus Willig, greiddi í fyrilestri frá sínum granskingarúrslitum sum vísa, at samfelagið er farið heilt av kós, tá tað snýr seg um at tola kritikk. Ístaðin fyri at taka kritikkin sum ein part av menningini, verður hann ístaðin vendur aftur móti tí, sum hevur sent hann. Og tað er hvørki gagnligt…

Bara man rópar nóg hart!

So hendi tað aftur. Stór gøla á Landssjúkrahúsinum. Tíanverri kennast vit øll við framferðaháttin. Fyri at fáa sín vilja innan heilsuverkið skal man bara rópa hart, hótta við at siga upp og leika í. Endamálið tykist at vera at skapa so stóra øsing og ótta millum vanliga fólkið, at leiðsla og stýrandi myndugleikar skulu bakka…

Sjúkrarøktarfrøðislesandi á NSSK fundi í Íslandi

7.-9. apríl 2017 var NSSK fundur í Reykjavík. NSSK stendur fyri Nordiske SygeplejeStudenters Kontaktforum og er ”dótturfelagið” hjá SSN, Sygeplejeskenes Samarbejde i Norden. Føroysku umboðini greiða soleiðis frá: Daniella Joensen og Jórun Maria Dalbø umboðaðu Føroyar. Umframt okkum báðar vóru 2 umboð úr Danmørk, 2 úr Norra, 2 úr Íslandi, 1 úr Svøríki og 1…

Hjartastartaradagur á Torginum í SMS

Í dag er hjartastartaradagur á Torginum í SMS. Endamálið við tiltakinum er at læra so mong sum gjørligt um týdningin at handla skjótt, um ein er saman við einum, sum fær hjartastøðg. Hvørt ár fáa áleið 30 føroyingar hjartastøðg uttan fyri sjúkrahúsini, og bert 10 % yvirliva. Tiltakið í SMS hevur til endamáls, at fáa…

Tann nýggja familjan í bestu hondum á Barsilsdeildini á A2

Seinastu dagarnir hevur kjak verið um uppgávu- og ábyrgdarbýtið millum ljósmøður og sjúkrarøktarfrøðingar á føðideildini, sum nú verður skipað sum ein burðardeild og ein barsilsdeild. Tað eru helst fleiri, sum undrast á, at eitt slíkt kjak fer fram í almenna rúminum. Tað undrar eisini okkum. Spurningurin um, nær uppgávan hjá ljósmøðrum endar og sjúkrarøktarfrøðin byrjar,…

Myndirnar frá aðalfundinum eru komnar

So vóru myndirnar frá aðalfundinum 2017 tøkar. Myndirnar eru at finna á myndasavninum, ella við at trýsta her

Kristina Poulsen er ársins álitisfólk 2017

Nevndin í Felagnum Føroyskir Sjúkrarøktarfrøðingar hevur tikið avgerð, eftir innstilling frá limunum, hvør skal verða ársins álitisfólk.  Ársins álitisfólk 2017 er: Kristinu Poulsen  Um Kristinu verður sagt í innstillingini, at hon er sera stinn í sáttmálanum og leiðbeinir og ráðgevur starvsfeløgunum soleiðis, at alt fer fram í samsvari við hann. Hon tryggjar rættindi og vísur…

Beinta Joensen er ársins sjúkrarøktarfrøðingur 2017

Stýrisbólkurin, sum Felagið Føroyskir Sjúkrarøktarfrøðingar setti at viðgera innkomin uppskot til ársins sjúkrarøktarfrøðing, hevur viðgjørt tey innkomnu uppskotini. Allar tær innstillaðu eiga rós uppiborið fyri framúr góða sjúkrarøkt. Stýrisbólkurin hevur valt eina burturúr. Tann sum innstillaði grundgav væl fyri fleiri av treytunum fyri innstillingini: Ársins sjúkrarøktarfrøðingur er serfrøðingur innan sítt øki. Sína hollu vitan brúkar…

Aðalfundur er í dag

Í dag kl 14 hittast  350 sjúkrarøktarfrøðingar til aðalfund á Hotel Føroyum. Áðrenn sjálvan aðalfundin fer Jancy Gaardlykke, dagligur leiðari í Krabbameinsfelagnum, at halda røðu. Umframt regluligu skránna verður eisini kjak. Á aðalfundinum í ár verður eisini kunngjørt, hvør verður ársins sjúkrarøktarfrøðingur og ársins álitisfólk fyri 2017. Formans- og nevndarval hevur verið, og greitt er…

350 sjúkrarøktarfrøðingar koma við yvirlýsing

Felagið Føroyskir Sjúkrarøktarfrøðingar hevði leygardagin aðalfund. Metstór luttøka var til aðalfundin, heili 350 sjúkrarøktarfrøðingar úr øllum landinum møttu til fundin. Aðalfundurin kemur við soljóðandi yvirlýsing: Tíðin er komin, til at politiska skipanin tekur okkara krav um hægri løn í álvara. Ikki kann góðtakast longur, at sami lønarkarmur er galdandi fyri øll feløgini, tá samráðst verður. …

Føroya Rættur vísti til Umboðsmannin

– At Rætturin vísti sakamálið um starvssetanin í Økistænastuni í Sandoy frá sær, merkir ikki, at vit hava tapt. Tvørturímóti var grundgevingin hjá Rættinum fyri ikki at viðgera málið, at Umboðsmaðurin longu greitt hevur staðfest, at Stýrið fyri Økistænastuna í Sandoyar Sýslu breyt fyrisitngarlógina. Tað sigur Óluva í Gong, forkvinna í Felagnum Føroyskir Sjúrkarøktarfrøðingum, nú…

Ósakligar grundgevingar: Umboðsmansins orð er nóg mikið

Føroya rættur heldur tað ikki vera neyðugt at endurtaka niðurstøðuna hjá Løgtingsins Umboðs­manni Løgingsins Umboðsmaður staðfesti i fjør, at tveir limir í Felagnum Føroyskir Sjúkraørktarfrøðingar høvdu ikki fingið sakligar grundgevingar, tá tær fingu noktandi svar upp á umsókn um leiðarastarv í Økistænastuni fyri Sandoyar Sýslu Løgtingsins Umboðsmaður heitti tá á stýrið fyri økistænastuna um at…

Ogna tær prýðiliga plakat á aðalfundinum

“Verð okkara” er ein plakat, sum vit fara at selja á aðalfundinum 18. mars hjá Felagnum Føroyskir Sjúkrarøktarfrøðingar. Vit hava tvær støddir av plakatum: 50 x 70 cm kostar 250 kr 60 x 84 cm kostar 350 kr Áhugafelagið Fá5 eru sjúkrarøktarfrøðingar, sum arbeiða við børnum og ungum. Nevndin í áhugafelagnum hevur biðið Lydiu Petersen,…

Aðalfundur hjá FÁG4

Fundurin verður týsdagin 28. Mars 2017 kl. 18 í hølum felagsins í Lucas Debesargøtu Uppskot til aðalfundin skulu vera nevndini í hendi í seinasta lagi 21. Mars. Aftaná aðalfundin verður fyrilestur og kjak við løgfrøðinginum Símun Jóannesarson Hansen, Heilsu- og innlendismálaráðið um evnið: Heilsulóggáva, autorisatión og etikkur í okkara arbeiði sum tænarar fólksins Framløgan leggur upp…

Óluva í Gong heldur fram sum forkvinna

Nú er Formans- og Nevndarvalið 2017 av. Greitt er,  at Óluva í Gong heldur fram sum forkvinna í Felagnum Føroyskir Sjúkrarøktarfrøðingar tey komandi fýra árini.   Atkvøðubýti sær soleiðis út Óluva í Gong fekk  308 atkvøður, sum er 59,34% av atkvøðunum Elisabeth M. Hjaltalin fekk 10 atkvøður, sum er 1.92 % av atkvøðunum Annemi Lund Joensen fekk 62…

Nú skulu vit loftast

Tað er vanligt at hoyra politikkarar í dag siga, at samfelagið skal lofta einumhvørjum. Í løtuni er hendan útsøgn ofta at hoyra í sambandi við, at tosað verður um pensjónsnýskipanina. Sagt verður, at samfelagið skal lofta teimum, sum ikki orka at arbeiða longur enn til 67 ára aldur. Sagt verður eisini, at samfelagið skal lofta…

Krummtappurin í krabbameinsviðgerðini

Fyri 25 árum síðani var onkologiska ambulatoriið, sum tekur sær av krabbameinsviðgerð, tikið í nýtslu á Landssjúkrahúsinum. Hetta var hátíðarhildið við almennari móttøku 10. februar.  Áðrenn hesa tíð noyddust næstan allir sjúklingar við krabbameini av landinum til – bæði kanningar og viðgerð. Í dag ber til, á fleiri økjum, at fáa viðgerð í Føroyum eins…

Tilmelding til aðalfundin

Aðalfundurin verður á Hotel Føroyum leygardagin 18. mars 2017 kl. 14.00 Fundurin byrjar kl 14.00 stundisliga. Heitt verður á limirnar at koma í góðari tíð til innskriving, sum byrjar kl 13.00. Dagsskrá: 1. Val av fundarstjóra 2. Val av atkvøðuteljarum 3. Góðkenning av dagsskrá 4. Góðkenning av starvsskipan 5. Frágreiðing formansins 6. Framløga av rammufíggjarætlan…

Valfundir

Valfundir, har forkvinnu- og nevndarvalevni luttaka verða á hesum støðum: Tórshavn hósdagin 16. februar kl. 15:30-17:30 Stað: Veitsluhøllin á LS Tvøroyri mánadagin 20. februar kl. 15:00-17:00 Stað: Seglhúsloftið, Tvøroyri Klaksvík týsdagin 21. februar kl. 15:30-17:30 Stað: Felagshølið á Klaksvíkar Sjúkrahúsi

Ársins álitisfólk

Hevur tú hug at velja títt álitisfólk til ársins álitisfólk 2017? Á aðalfundi felagsins í 2016 var tosað um, at velja ársins álitisumboð. Felagið hevur tikið hetta til sín, tí vit meta, at arbeiði sum álitisfólk gera, er av stórum týdningi – bæði fyri felagið, limir og leiðslur. Eitt arbeiði, ið kanska ikki altíð verður…

Formans- og nevndarval

Metstórur áhugi er fyri formans- og nevndarvalinum í Felagnum Føroyskir Sjúkrarøktarfrøðingar. Ikki færri enn fýra limir bjóða seg fram at leiða felagið komandi fýra árini. Fýra limir hava eisini bjóða seg fram til báðar nevndarsessirnar, ið skulu veljast fyri komandi fýra árini. Formansvalevni Óluva í Gong, forkvinna í Felagnum Føroyskir Sjúkrarøktarfrøðingar Elisabeth M. Hjaltalin, deildarleiðari…

FÁ6

Árligi aðalfundurin hjá fakliga áhugabólkinum FÁ6 verður tann 24. februar 2017. Eisini verður spennandi fyrilestur á skrá. Tilmelding við at senda teldupost til fa6sjukrarokt@gmail.com  

Gleði meg til aðalorðaskiftið um heilsuverkið

Arbeitt verður innan okkara heilsuverk hvønn tann einasta dag. Sjúklingar verða innlagdir og útskrivaðir aftur. Fólk møta til ambulanta viðgerð hvønn dag. Virksemið gongur sína gongd hvønn tann einasta dag. Kortini hoyra vit bert um trupulleikar innan heilsuverkið. Hví man tað vera? Eg haldi, at vit eiga at spyrja okkum sjálvi, hví heilsuverkið virkar sjálvt…

Aðalfundurin 2017

Aðalfundur felagsins verður á Hotel Føroyum 18. mars 2017 Fundurin byrjar kl. 14.00. Dagskrá sambært viðtøkum felagsins § 14, 3 stk. Val av fundarstjóra Val av atkvøðuteljarum Góðkenning av dagskrá Góðkenning av starvsskipan Frágreiðing formansins Framløga av rammufíggjarætlan og roknskapi, harímillum áseting av limagjaldi Innkomin uppskot Val av tveimum grannskoðarum Ymiskt Uppskot, sum skulu vera…

Tveir sjúkrarøktarfrøðingar stilla upp til Umboðsráðið

Í dag byrjar umboðsráðsvalið hjá ognarfelagnum LÍV. Umboðsráðið er umboðið hjá viðskiftafólkunum hjá LÍV á aðalfundinum. Skyldan hjá umboðsráðnum er m.a at  ansa eftir, at ogn felagsins er umsitin á bestan hátt. 52 fólk hava hava bjóðað seg fram. Teirra millum eru tveir sjúkrarøktarfrøðingar: Ása Poulsen Vár í Gong Felagið Føroyskir Sjúkrarøktarfrøðingar vil mæla limunum…

Villa í kalendaranum fyri 2017

Tíverri er ein villa komin í kalendaran, sum var sendur limunum fyri jól. Har stendur at aðalfundurin verður 4. Mars – so er ikki, aðalfundurin verður 18 mars á Hotel Føroyum. Nærri kunning um aðalfundin og skrá verður at síggja á heimasíðuni í komandi viku.

Brúkaragjøld vaksa um ójavnan

– At nýggja býráðið í høvuðsstaðnum boðar frá fleiri brúkaragjøldum í eldrarøktini ljóðar ikki til vera hugsað nóg gjølla ígjøgnum, tí longu nú eru brúkaragjøld við til at vaksa um ójavnan millum teir eldru borgararnar .- bæði í Tórshavnar Kommunu og øðrum kommunum. Tað sigur Óluva í Gong, forkvinna í Felagnum Føroyskir Sjúkrarøktarfrøðingar, nú forkvinnan…

Skrivstovan stongd um jólini

Skrivstova felagsins er stongd frá 23. desember kl. 13:00 til 2. januar kl. 09:00 Felagið Føroyskir Sjúkrarøktarfrøðingar vil eisini ynskja øllum limum eini Gleðilig Jól og eitt Gott Nýggjár

Stevna Stýrinum fyri Økistænasta fyri Sandoyar Sýslu

– Vit kunnu ikki sum fakfelag góðtaka, at okkara limir, sum søkja størv onga grundgeving fáa, um teir ikki fáa eitt starv. Tað er brot á fyrisitingarlógina og ikki ein góður máti at fara við fólki. Tað sigur Óluva í Gong, forkvinna í Felagnum Føroyskir Sjúrkarøktarfrøðingar. Felagið fer nú at stevna stýrinum fyri eldrasamstarvið í…

Styrkivenjing í sjúkrarøkt

Spennandi og viðkomandi skeið um Styrkivenjing í sjúkrarøkt. Skeiðið verður 9. Januar 2017 á Hotel Føroyum kl. 8.30-16.00. Málbólkurin eru allir sjúkrarøktarfrøðingar. Les meira her

Jólahugni fyri limir í FÁ2

Góðu limir í FÁ2. Nú eru jólini í hondum, og tí ynskir áhugabólkurin, FÀ2, at skipa fyri jólahugna í hølunum hjá felaganum í Lucas Debesargøta 14, tann 15. desember kl. 19. Vit fara at hugna okkum við smyrjibreyði og køku. Harafturat verður høvið hjá limunum at koma við uppskotum til evnir sum eru viðkomandi til…

Einasta loysn tykist vera at sleppa av við sjúklingarnar

– Eg væntaði ikki, at støðan á Landssjúkrahúsinum kundi síggja daprari út enn hon longu ger, men tí verri eri eg farin skeiv. Hetta sigur Óluva í Gong, forkvinna í Felagnum Føroyskir Sjúkrarøktarfrøðingar, eftir tíðindini bórust um, hvussu Landssjúkrahúsið skal spara næsta ár. – Tað er strævið altíð at rópa varskó, men skulu vit trúgva…

Politikkarar dumpa í trúvirðiskanning

Ein nýggj kanning, sum er gjørd í Danmark, vísir trúvirði hjá ymiskum fakbólkum. Á fyrsta plássi liggja sjúkrarøktarfrøðingar, framman fyri  bæði læknar og dómarar. – Hetta er sjálvandi gleðiligt, tá hugsa verður um tær arbeiðsumstøður, sum sjúkrarøktarfrøðingar hava. Sparingar og bygnaðarbroytingar eru gerandisdagur hjá sjúkrarøktarfrøðinginum og kortini megnar hann at skapa álit hjá sjúklingum og borgarum.…

Stórt álit á sjúkrarøktarfrøðingum

Danir geva sjúkrarøktarfrøðingum topkarakter í eini kanning sum skal staðfesta, hvør fakbólkur hevur mest trúvirði. Hetta stendur at lesa á heimasíðuni hjá DSR. Álitið á sjúkrarøktarfrøðingar er sum heild stórt í tílíkum kanningum. M.a hava danir meira álit á sjúkrarøktarfrøðingum enn t.d dómarum, læknum ella løgreglufólkum. Í hesu kanning, sum Radius Kommunikation hevur gjørt, leggja…

Lesandi vitja á Felagnum

Tey lesandi, sum byrjaðu á Sjúkrarøktarfrøðisdeildini á Setrinum í september í ár, hava í dag verið á vitjan í felagshølum felagsins. Á skránni var kunning um Felagið Føroyskir Sjúkrarøktarfrøðingar, ábit og hugnaligt prát. Her ber til at síggja nakrar myndir frá løtuni.

Eldraøkið skuldi ikki verið lagt út

Í tíðindunum í  KvF í dag varð samrøða gjørd við Óluvu í Gong, forkvinnu, um útleggingina av eldraøkinum. Hon leggur ikki fingrarnar í millum, men sigur bart út, at økið ongantíð skuldi verið lagt út til kommunurnar. Hoyr samrøðuna her Meira um tað sama stendur eisini at lesa í nýggjastu Vøku, sum verður borðin út í…

Tilfar frá ráðstevnuni, Larmandi Tøgn

Her ber til at síggja tilfar frá ráðstevnuni, Larmandi Tøgn, sum var á Hotel Føroyum í døgunum 22. og 23. september 2016. Annemi Lund Joensen, sjúkrarøktarfrøðingur við víðari útbúgving frá DSH og M.S.Sc.Polit Heiti á fyrilestri: Hví eru sjúkrarøktarfrøðingar so ósjónligir í almenna rúminum Jette Back, sjúkrarøktarfrøðingur, cand.cur og fakredaktørur á Sygeplejersken og Fag&Forskning. Heiti…

Fakkunnleikin verður skumpaður til viks!

Óluva í Gong, forkvinna fyri Felagið Føroyskir Sjúkrarøktarfrøðingar, sigur at tað er av alstórum týdningi, at sjúkrarrøktarfrøðingarnar taka blaðið frá munninum og melda seg inn í kjakið, tá tað snýr seg um heilsu- og almennaverkið. Gongdin  hevur seinastu mongu árini verið, at fakkunleikin verður skumpaður til viks og pengarnir ráða, sigur Óluva. Teir sjúkrarøktarfrøðingar sum…

Larmandi Tøgn

Í dag savnast yvir 100 sjúkrarøktarfrøðingar til ráðstevnu  undir heitinum,  Larmandi tøgn. Ráðstevnan snýr í høvisheitum um spurningin, hví sjúkrarøktarfrøðingar eru so tigandi í almenna kjakinum. Á skránni eru fleiri fyrilestrar. Sigmund Poulsen legði út í morgun kl 9 og greiddi frá um lógarverki rundan um fráboðanarskylduna, tagnarskylduna og loyalitetsskylduna. Birna Mohr Joensen, nevndarlimur í…

Álitisumboðsval

Álitisumboðsval stendur fyri durum, og hevur tú hug at gera tína ávirkan og økja um tína vitan innan fakfelagsarbeiði, er møguleiki til tað nú. Álitisumboð fáa høvi at læra um álitisumboðsvirksemi, sáttmálan, lógir, sáttmálasamráðingar v.m.. Við øktari vitan økist eisini áhugin fyri arbeiðinum. Álitisumboðið er knýtt at ávísum arbeiðsplássi og hevur beinleiðis samband við Felagið…

Gongdin skal snarast, tí tey gomlu vilja búgva heima

– Nú hava vit fingið staðfest svart upp á hvítt, at tey gomlu ynskja at búgva heima, og tað skulu vit taka í álvara, sigur Tordur Niclasen, leiðari fyri Skálafjarðasamstarvið, sum er samstarvið á eldraøkinum. Tordur Nicalsen vísir til Tørvs- og nøgdsemiskanning, sum er gjørd millum borgarar eldri enn 65 ár í Runavíkar, Nes og…

Refleksjón – ein spurningur um at seta spurningar

Kvøldseta fyri kliniskar vegleiðarar verður mánadagin 19/9, kl. 17.30 – 20.30. Hevur tú onkuntíð hugsað um: Hvat er refleksjón og hvønn gagn ger refleksjón? ”Snarrefleksjón” – hvussu er tað gjørligt í dagliga arbeiðinum? Hvussu kunnu vit spyrja góðar spurningar? Á kvøldsetuni verða upplegg um refleksjón og spyrjiteknikk, umframt stuttar venjingar og kjak. Kvøldsetan verður í…

Áhugabólkurin fyri sjúkrarøktarfrøðingar 60+

Áhugabólkurin hevur limafund í húsum felagsins, Lucas Debesargøtu 14, 19. september kl 19:00 Sissal Petersen fer á fundinum at greiða frá hennara arbeiði í Grønlandi. Præsentatión av Sissal Petersen ”Mítt navn er Sissal Petersen, eg eri 41 ár og havið verið útlærd sjúkrasystir síðan í 1999, eg las í Danmark. Aftaná at eg var liðug at lesa fór eg til Grønlands at arbeiða í 3 ár, síðani arbeiddi…

17 fakfeløg keypt seg inn í LÍV

17 fakfeløg – eisini Felagið Føroyskir Sjúkrarøktarfrøðingar – hava gjøgnum partafelagið Fakfelag keypt ein part av LÍV, sum hevur tveir triðingar av samlaðu føroysku pensjónunum og pensjónstryggingunum. – Vit valdu at veðra við, tí so fáa vit ávirkan á uppsparingina hjá okkara limum, sigur Óluva í Gong. Felagið Føroyskir Sjúkrarøktarfrøðingar hevur vegna limirnar gjørt avtalu…

Ráðstevna: Larmandi tøgn

Í september verður í tveir dagar skipað fyri ráðstevnu um, hvussu sjúkrarøktarfrøðingar kunnu gerast virknari partur í almenna rúminum. Ráðstevnan tekur eisini onnur evni upp. Eitt nú lógarverkið, sum sjúkrarøktarfrøðingar arbeiða undir við serligum atliti á fráboðanarskyldu, tagnarskyldu og loyalitet. Etiska ráðið hjá felagnum leggur fram etisku leiðreglurnar fyri arbeiðið hjá sjúkrarøktarfrøðingum og tekur eisini…

Yvir 100 mátaðu blóðsukur á Sjómannadegnum

Fólkaheilsuráðið stóð saman við Klaksvíkar Sjúkrahúsið og Tryggingarfelagnum fyri einum heilsubási á Sjómannadegnum í Klaksvík. Fýra sjúkrarøktarfrøðingar av Klaksvíkar Sjúkrahúsið mátaðu langtíðarblóðsukur hjá yvir 100 vitjandi. Tey mátaðu eisni blóðtrýst og feittprosent. Harafturat mátaðu tey lungafunksjón hjá fólki yvir 35 ár og sum royktu. Tey vóru eini 50 fólk. Einir 2-4 persónar høvdu høgt blóðsukur…

Kanning av eldraøkinum í Norðoyggjum

– Nøgdsemiskanningin sum er gjørd av eldarøkinum í Norðoyggjum er eitt gott grundarlag fyri, hvussu eldraøkið í Norðoyggjum skal mennast og skipast. Hetta sigur Óluva í Gong, forkvinna í Felagnum Føroyskum Sjúkrarøktarfrøðingum. Hon frøist um, at tey í Norðoyggjum hava valt at spyrja brúkarar, avvarðandi og starvsfólk. – Eg haldi, at vit á hendan hátt…

Siri um menningar-ætlanina: Vit mugu seta egináhugamál til viks

– Eg gleði meg til aðalorðaskiftið um menningarætlanin fyri sjúkrahúsverkið og síggi fram til, at løgtingsfólk fara at seta lokalpolitikk og egináhugamál til viks, tí tað er tað vit eru vald her til – annars kann mann stilla upp til býráðspolitikk. Hetta segði Siri Stenberg (T), landsstýriskvinna, undir viðgerðini av ólavsøkurøðuni hjá løgmanni. Ruth Vang…

Løgmaður gloymdi tørvin á fleiri seingjaplássum

Løgmaður nevndi í løgmansrøðuni nýggja meginbygningin, sum nú verður bygdur til landssjúkrahúsið. – Eg undrist yvir, at løgmaður ikki nevndi við einum orði, at tað ikki verða fleiri seingjapláss. Vit hava fleiri ferðir gjørt vart við, at nýggi meginbygningurin ikki fer at nøkta framtíðartørvin, sigur Óluva í Gong, forkvinna í Felagnum Føroyskir Sjúkrarøktarfrøðingar. Løgmaður vísti…

Fleiri pláss, men bara triðingur sleppur í gongd

Í ár søktu 90 fólk inn á sjúkrarøktarfrøði á Fróðskaparsetrinum, men pláss verður bara fyri 30 á útbúgvingini. – Hetta er sjálvandi spell, tá vit samstundis hava eggjað ungum at søkja inn til lestur í Føroyum, sigur Óluva í Gong, forkvinna í Felaganum Føroyskir Sjúkratrøktarfrøðingar. Samstundis ber tó til at fegnast um, at talið á…

Umboðsmaðurin: Hvøss ábreiðsla til Økistænastuna í Sandoy fyri starvssetan

Umboðsmaðurin finst hvassliga at Økistænastuni í Sandoy, tá hon fyrr í ár setti økisleiðara, og Umboðsmaðurin biður stýrið um at viðgera alla starvssetanina av nýggjum. Fýra umsøkjarar vóru til starvið – harímillum tveir sjúkrarøktarfrøðingar. Tá hvørgin teirra fekk starvið, kærdi Felagið Føroyskir Sjúkrarøktarfrøðingar fyrst til landsstýriskvinnuna og síðandi til Umboðsmannin um starvssetanina. Í fyrsta lagi…

24 fingu prógv innan sjúkrarøktarfrøði

Fríggjadagin 24. juni var stórt hátíðarhald í Norðurlandahúsinum. Próvhandan var á skránni fyri lesandi á Setrinum. Har í millum vóru 24, sum høvdu nomið sær bachelorútbúgving innan sjúkrarøktarfrøði. Vit ynskja teimum hjártaliga til lukku við útbúgvingini. Sjá fleiri myndir her

Nýggir sjúkrarøktarfrøðingar

Mikudagin var almennur framløgudagur á Sjúkrarøktarfrøðideildini, har nýggju sjúkrarøktarfrøðingarnir løgdu fram um bachelorritgerðinar. Framløgudagurin er ætlaður til vitansdeiling,. Nógv spennandi og relevant evnir eru viðgjørd í ritgerðunum. Alt evni sum eru komin úr einari undran sum hesi lesandi hava frá praksis.Súsanna Mortensen helt røðu og handaði nálinar frá skúlanum. Felagið nýtti møguleikan at ynskja teimum…

Nýggjur sáttmáli undirskrivaður

Felagið Føroyskir Sjúkrarøktarfrøðingar og Føroya Landsstýrið hava í kvøld undirskrivað nýggjan sáttmála. Seminginsmaðurin legði uppskot fyri partarnar, sum báðir partar valdu at góðtaka. Sáttmálin byggir á sama karm, sum hini feløgini hava samráðst seg fram til. Nakrar broytingar er gjørdar, og onkrar nýggjar ásetingar eru komnar inn í nýggja sáttmálan. Óluva í Gong, forkvinna í…

Lýs eftir sjúkrarøktarfrøðingum her!

Tilber hjá stovnum, sjúkrahúsum o.ø, at seta starvslýsingar eftir sjúkrarøktarfrøðingum á heimasíðu felagsins. Setið tykkum í samband við Felagið Føroyskir Sjúkrarrøktarfrøðingar og fái meira at vita. Teldupostur:  info@sjukjrarokt.fo Telefon: 311309 Lýsingarnar eru at finna undir yvirskriftini “Starvslýsingar”, sum er niðast á forsíðuni.

Álitisfólk kunnað um samráðingar

Álitisfólkini hjá felagnum vóru í gjár og í dag kunnað um støðuna í samráðingunum um nýggjan sáttmála við Fíggjarmálaráðið. Í gjár vóru álitisfólkini í Suðri kunnað, og í dag vóru hini álitisfólkini á skrivstovuni hjá felagnum og fingu kunning um støðuna. Hósdagin í síðstu viku var boð sent eftir semingsmanninum, tí ein knútur var komin…

Økt vitan um gikt hevur bøtt um støðuna

Lívið sum giktasjúkur og sum avvarðandi hjá giktasjúkum kann hava sínar avbjóðingar. Tíbetur hevur økt vitan borið við sær, at giktasjúklingar ikki longur verða mett sum letingar, men framvegis eru avbjóðingarnar bæði stórar og nógvar. Ikki minst hjá teimum, sum eru um giktasjúk. Tað eru Ulrik Tarp og Mogens Pfeiffer Jensen, sum eru millum fremstu…

Nýggj masterútbúgving í fólkaheilsu

Fyri fyrstu ferð verður full masterútbúgving í fólkaheilsu boðin út á Fróðskaparsetrinum. Higartil hava bert stak valskeið verið boðin út. Útbúgvingin er skipað, sum hálvtíðarlestur, so til ber at arbeiða hálva tíð við síðuna av. Í lýsingini av útbúgvingini verður millum annað sagt, at hon viðger sjónarmið og mát fyri heilsu og fólkaheilsu. Útbúgvingin greinar…

Sálarliga arbeiðsumhvørvið raðfest hægri

Síðani april í ár hevur Anna A. Andresen, sálarfrøðingur, verið í starvi á Arbeiðseftirlitinum. Arbeiðseftirlitið hevur nú fingið fíggjarligar møguleikan at raðfesta sálarliga arbeiðsumhvørvið hægri. Higaril hevur Arbeiðseftirlitið bara lagt seg eftir fysiskum arbeiðsumhvørvið, sum arbeiðsóhapp og -vanukkur. Tað er nokk so týðiligt, at tað er fokus á tað tekniska, tí starvsfólkini eru maskinmeistarar, verkfrøðingar…

Semingsmaðurin boðsendur

Partarnir í samráðingunum millum Lønardeildina og Felagið Føroyskir Sjúkrarøktarfrøðingar hava sent boð eftir semingmanninum. Ætlanin var at undirskriva nýggjan sáttmála fyrrapartin, men ein óloystur spurningur stóð eftir, sum gjørdi at felagið ikki kundi undirskriva nýggja sáttmálan. – Vit hava góðkent sama lønarkarm, sum hini feløgini, og vit hava givið okkum nógv, sigur Óluva í Gong,…

Eggja fleiri at gerast sjúkrarøktarfrøðingar

Avbjóðingin í øllum Norðurlondum er, at tað verða færri og færri, sum velja sær útbúgving sum sjúkratøktarfrøðingar. Samstundis, sum fleiri finna sær størv uttan fyri vanliga sjúkrarøkt og í primeru tænastunum. Saman við 11 øðrum leiðandi sjúkratøktarfrøðingum hevur hon verið á norðurlendskari ráðstevnu í Reykjavík. Jóngerð Nielsen er forkvinna í fakliga áhugabólkinum fyri leiðandi sjúkrarøktarfrøðingar…

Ivast í útbyggingini av landssjúkrahúsinum

– Vit síggja longu nú, at útbyggingin av landssjúkrahúsinum fer ikki at nøkta tørvin, sum verður í framtíðini. Tað sigur Óluva í Gong, forkvinna í Felagnum Føroyskir Sjúkrarøktarfrøðingar. Í Degi og Viku herfyri kom fram, at deildirnar vóru hoyrdar um tørv, men ynskini vóru ikki gingin á møti. – Vit gjørdu vart við tørvin og…

Samráðingar um nýggjan sáttmála

Felagið skal næsta mánadag til samráðingar um nýggjan sáttmála. Felagið Føroyskir Sjúkrarøktarfrøðingar situr við samráðingarborðið saman við Lønardeildini undir Fíggjarmálaráðnum. Eftir at eldraøkið var lagt til kommunurnar og nógvir limir arbeiða hjá kommunum, hevur Kommunala Arbeiðsgevarafelagið avgjørt at fylgja sáttmálanum millum sjúkrarøktarfrøðingarnar og Fíggjarmálaráðið. Nýggjur sáttmáli skuldi koma í gildi 1. oktober í fjør, men…

Poula skal ráðgeva Fakfelagssamstarvinum

Poula Michelsen Kass er sett í starv sum ráðgevi hjá Fakfelagssamstarvinum, sum umboðar seks fakfeløg. Ráðgevin skal virka fyri at fremja felags áhugamál hjá limunum í teimum seks limafeløgunum og arbeiða fyri at geva feløgunum størri ávirkan Fakfelagssamstarvið hevur tikið eitt avgerandi stig móti einum meira formaliseraðum og styrktum samstarvi millum seks virkin feløg á…

Regndansurin kann steðga

– Vit í heilsuverkinum hava mest sum dansað regndans. Vit vita at okkurt er galið og so vóna vit at okkurt hendir. Tað segði Suni Poulsen, sálarfrøðingur, tá nøgdsemiskanningin var løgd fram. – Kanningin váttar rákið, sum heilsuverk eru í øðrum framkomnum londum og kanningin er eitt amboð til, hvat man skal seta hvat í…

Meira enn 16 prosent kenna seg strongdar

Í nøgdsemiskanningini millum føroyskar sjúkrarøktarfrøðingar var ein spurningur: Hvussu ofta seinastu 4 vikurnar hevur tú verið strongd/ur? Fimm svarmøguleikar vóru: ”alla tíðina”, ”ein stóran part av tíðini”, ”ein part av tíðini”, ”ein lítlan part av tíðini” og ”ongantíð”. 1,6% svaraðu ”alla tíðina” og 14,5% svaraðu ”ein stóran part av tíðini”.  Alla  tíðina   Ein stóran part…

Røktargóðska og sálarliga arbeiðsumhvørvið

Til ber at hækka røktargóðskuna við at bøta um sálarliga arbeiðsumhvørvið. Hetta er ein av niðurstøðunum í nøgdsemiskanningini, sum Maria Magnusen, cand. cur. hevur gjørt millum sjúkrarøktarfrøðingar í Føroyum. Kanningin vísir á fleiri økjum, at samband er millum, hvussu sjúkrarøktarfrøðingar meta røktargóðskuna og sálarliga arbeiðsumhvørvið. Sjúkrarøktarfrøðingar vóru spurdir: Hvussu metir tú, at góðskan av veittari…

Kanning av sálarliga umhvørvinum

Á temadegi herfyri legði Maria Magnusen, cand. cur. fram úrslitini av nøgdsemiskanning, ið er gjørd millum sjúkrarøktarfrøðingar í Føroyum. Kanningin snýr seg um tað sálarliga arbeiðsumhvørvið, heilsuna og røktargóðskuna hjá sjúkrarøktarfrøðingum. Kanning er í fýra pørtum. Tríggir partar lýsa sambandi millum sálarliga arbeiðsumhvørvið og røktargóðsku, sálarliga arbeiðsumhvørvið og strongd og sálarliga arbeiðsumhvørvið og tunglyndi. Fjórði…

Hetta má gerast umaftur – og betur!

Trumfkortið “liðugt viðgjørdir sjúklingar” varð aftur havt á lofti. Í samrøðu í Degi og Viku 1. mars um, at sjúklingar liggja á gongini, flutti Johnny í Grótinum, stjóri á Landssjúkrahúsinum, fokus yvir á liðugt viðgjørdu sjúklingarnar, heldur enn at fyrihalda seg til veruliga trupulleikan, sum er, at ov nógvir sjúklingar eru til seingjarplássini og ov…

Broytt mannagong viðvíkjandi útgjaldi úr PKA

Seinnu árini, hevur eingin munur verið á skattliga, um pensjónsútgjald kom úr Danmark ella úr Føroyum. Orsøkin til hetta var, at avtala var millum føroyskar stovnar og danskar stovnar um, at tá pensjónsútgjald kom frá t.d. PKA til lim í Felagnum Føroyskir Sjúkrarøktarfrøðingar, búsitandi í Føroyum, var gjørligt, at flyta hetta um skattaskipanina. Hetta førdi…

Yvirlýsing frá aðalfundinum

Felagið Føroyskir Sjúkrarøktarfrøðingar hevur í dag havt aðalfund, har ið nærum 300 limir møttu. Staðfestast kann, at sjúkrarøktarfrøðingar eru ómetaliga glaðir fyri teirra arbeiði, men tað eru ávís mál, sum skulu at betrast. Aðalfundurin umrøddi m.a. arbeiðsumstøðurnar hjá limunum, sum als ikki eru nøktandi. Myndir í SVF vísa á, at arbeiðsumstøðurnar í dag eru tær…

Mannligir sjúkrarøktarfrøðingar

DSR (Dansk Sykepleje Råd) hevur allan februar mánaða sett fokus á mannligar sjúkrarøktarfrøðingar. Hvønn dag er ein mynd við eini frágreiðing løgd út við hashtagginum #mandkanblivesygeplejerske. Ætlanin við hesum átaki er, at fáa fleiri menn at útbúgva seg til sjúkrarøktarfrøðing. Í Danmark eru áleið 3,5 % av sjúkrarøktarfrøðingunum menn, sum er eitt tað lægsta í Europa. Til…

Aðalfundurin 2016

Aðalfundurin 2016 var á Hotel Føroyum 5. mars 2016. Myndir frá aðalfundinum eru at finna í myndasavninum, niðast á forsíðuni.

Sjúkrafráveran næstan tvífaldað

Á heimasíðuni hjá Kringvarpinum stendur, at sjúkrafráveran hjá sjúkrarøktarfrøðingunum á Landssjúkrahúsinum er næstan tvífaldað síðstu fimm árini, vísir eitt innlit Landssjúkrahúsið skrásetti 1129 sjúkradagar hjá sjúkrarøktarfrøðin í 2010 og 2052 sjúkradagar fimm ár seinni. Tað vísir eitt innlit, sum útvarpið hevur fingið. Sambært Óluvu í Gong, forkvinnu í felagnum hjá Føroyskum Sjúkrarøktarfrøðinggum, kann orsøkin til vaksandi…

Talið á seingjarplássum má upp

Fyri árum síðani varð farið at rokna uppá nýtsluna av seingjarplássunum á føroysku sjúkrahúsunum. Funnið varð fram til, at allar sengur ikki vóru upptiknar allar 365 dagar í árinum. Her mátti okkurt gerast, og tí varð beinanvegin farið undir at minka seingjartalið og starvsfólkatalið. Ein faktorur, sum kundi undirbyggja avgerðina um at minka seingjartalið var,…